3/28/2024
Today from Hiiraan Online:  _
Wararka Maanta- Isniin, Aug 3 , 2015
Ciyaarihii caruurta da'da yar ee tartanka Somali Week oo lagu soo gabagabeeyey magaalada Toronto

Axad, August 3, 2015 (HOL) - Waxaa la soo gabagabeeyey   caayaaro loogu tala galay caruurta da'da yar ee soo koraysa, laguna qabtay garoonka  Summerlea Park ee magaalada Toronto, Canada taariikhdu markay ahayd Julay 31 ilaa August 2, 2015.

Waxaa cayaaraha marti galiyey kooxaha ku midoobay African Canadian Soccer Club, waxaana ka soo qaybgalay 6 koox oo kala ah Ottawa, Ohio, Horseed, Semcay, Hilac iyo Muqdisho FC. Koox kastaba waxay la yimaadeen 2 teams oo dadoodu ka yartahay 12  iyo 14 sano (Under 12 & 14 yrs old).

Waxaa kale oo halkaas ka soo qaybgalay oo garoonka waalidin iyo taageerayaal aad u fara badan oo ka kala yimid magaalooyinka Columbus, Ottawa iyo Toronto, runtiina sadexdaas maalmood waqtigooda u huray, tusayna sida ay u garab taaganyihiin xoojinta mustaqbalka caruurtooda. Waa markii ugu horeysay oo waalidiin intaa la eg ay isgu yimaadaan magaalada Toronto.

Runtee koox kasta waxa muujisay cayaar wanaag, waxaana cayaarhii kama danbeysta ahaa isugu soo haray labada koox oo kala ah Ohio Youth  iyo Semcay (U12 & U14).  Waxaana halkaa koobkii loogu talagalay tartankii cayaaraha ku guulaystay kooxda Semcay.

 Waxaa kale oo labadaas koox cayaareen  U10, waxaana koobkaas qaatay kooxda Ohio.

Waxaa mahad, dheerigalin  iyo ku dayasho mudan macalimiintii waqtigooda qaaliga ah iyo dhaqaalahooda galiyey sidii ay u horumarin lahaayeen cayaartooydaas soo koraysa. Macalimiinta iyo tababarayaashaas ayaa waxaa ka mid ahaa:

Mohamed Faarah iyo Abdifitah (Atlanta) - Ohio Team

Kayse Ahmed, Saciid iyo Abdirisaq Shiino - Ottowa Team

Hassan harbi, Mohamoud Dhoore iyo Adan Awale - Horseed Team

Dahir Hussein Marshale, Dahir Boodaye, Omar Jaangoan iyo Jamal Dirie - Hilac Team

Anwar Tabit, Cumarey, Ahmed Geedi (John) iyo Haji Ciise - Semcay

Abdi fitah Hassan(Sette) iyo Farah Gure - Muqdisho FC













Click here
8/3/2015 1:16 PM EST
Isniin, Ogoosto 03, 2015 (HOL) — Ururka Ahlusunna Waljamaaca ayaa maanta Xukunno ku Ridday Afar Wariye oo ay Maanta lasoo taagtay Maxkamad ku taalla degmada Dhuuso-mareeb ee Xarunta Gobolka Galguduud.

8/3/2015 12:42 PM EST
Isniin, Ogoosto 03, 2015 (HOL) — Xukuumadda Somaliland ayaa ku baaqday in kaalmo deg-deg ah u baahan yihiin 20,000 oo qoys oo ay Saamaysay Abaarta baahsan ee ka jirta Gobolada Galbeedka Somaliland.

8/3/2015 12:36 PM EST
Isniin, Ogoosto 03, 2015 (HOL) — Hay’adda u doodda Xuquuqda Aadanaha ee Human Rights Watch ayaa ka Hadashay dil loo geystay sagaal qof oo ka tirsanaa Ururka Ikwaan Muslimiin ee dalka Masar, iyadoo HRW ay ku tilmaantay dialkaas ay ahaayeen kuwo sharci-darro ah.

8/3/2015 10:55 AM EST
Isniin, Ogoosto 03, 2015 (HOL) — Ciidamada Millaterig dalka Nigeria ayaa sheegay inay xoog kaga soo furteen shalay Kooxda Boko Haram 178 Ruux, kaddib markii ay u dhaceen kaamam ay dadkan ku haysteen oo ku yaalla Gobolka Borno oo kooxdu ay weerarro badan ka geysatay sannadihii lasoo dhaafay.

8/3/2015 10:19 AM EST
Isniin, Ogoosto 03, 2015 (HOL) — Xukuumadda Britain ayaa ku dhawaaqday Qorshayaal ay dad dhul haysta oo Mas'uul ka noqda ka Saaridda Guryaha Dadka Tahriibayaasha ah ee Magan-gelyo doonka haddii codsiyadooda la Aqbali waayo.

8/3/2015 10:14 AM EST
Isniin, Ogoosto 03, 2015 (HOL) —Degmada Dhuusamareeb ayaa waxaa xilligan ka socota maxkamadeynta Afar Wariye oo ka mid ahaa Shan wariye oo dhawaan ay Xabsiga dhigtay Ahlusunna Waljamaaca, kuwaasoo xalay damaanad ahaan lagu sii daayay.

8/3/2015 9:35 AM EST
Isniin, Ogoosto 03, 2015 (HOL) — Xasan Maxamed Siciid Gacaliye oo Hogaamiyeyaasha Bulshada Soomaaliyeed ka mid ah ayaa ugu Hambalyeeyay Maamulka Puntland, Kaddib Markii ay u dabaal-dagtay Puntland Sannad-guuradii 17-aad ee kasoo wareegtay Aasaaska Puntland oo ku beegmayd 01-dii bishan Ogoosto.

8/3/2015 8:24 AM EST
Isniin, Ogoosto 03, 2015 (HOL) — Xukuumadda Soomaaliya ayaa maanta sheegtay inay gacan ka geysanayso baarista lagu sameynayso eedeymo loo haysto SOM OIL & GAS Exploration Limited (SOMA), taasoo la sheegay inay ku lug yeelatay Musuq-maasuq.

8/3/2015 7:53 AM EST
Isniin, Ogoosto 03, 2015 (HOL) — Madaxweynaha Puntland C/weli Maxamed Cali Gaas ayaa sheegay in xukuumaddiisa ay cafiskii ugu danbeeyay u fidinayso dagaal-yahanada ka tirsan Al-shabaab ee wali ka dagaalamaya buuraha Gal-gala ee gobolka Bari.

8/3/2015 7:24 AM EST
Isniin, Ogoosto 03, 2015 (HOL) — Kooxda Nabadda iyo Wacyi-galinta Dhalinyarada ee Magacooda loosoo gaabiyo P.A.Y (Peace and Awareness Youth Group) ayaa shalay waxey ku soo gaba-gabeeyeen magaalada Nairobi aqoon kororsi socday mudo 21 cisho ah, kaasoo arday tiro badan ay ka faa'ideysteen culuum Diini ah oo lagu baraynaayay.

8/3/2015 3:54 AM EST
Isniin, Ogoosto 03, 2015 (HOL) — Tartankii ciyaaraha Somali-Week ayaa lagu soo gaba-gabeeyay magaalada Toronto ee dalka Canada, kuwaasoo billowday 24-kii July illaa 03-da August – 2015-ka oo maanta ah. Iyadoo koobka ay ku guuleystay Koox ka socday Gobolka Ohio ee dalka Mareykanka.

8/3/2015 3:51 AM EST
Isniin, Ogoosto 03, 2015 (HOL) — Madaxweynaha Somalia, Xasan Sheekh Maxamuud ayaa Wareegto uu soo saaray ku magacaabay taliye ku-xigeenada Ciidamada Booliiska Somalia, iyadoo loo magacaabay xilkan, Jen. Mukhtaar Xuseen Afrax.