3/29/2024
Today from Hiiraan Online:  _
Wararka Maanta- Sabti, Feb 27, 2016
Wasiirka Amniga Somalia oo Sharraxay Xajmiga Qaraxyo Xalay lagu Weeraray Hoteelka SYL


Sabti, Feberaayo 27, 2016 (HOL) — Wasiirka Ammaanka Xukumadda Somalia, C/risaaq Cumar Maxamed ayaa sheegay in Qaraxyadii xalay ka dhacay Muqdisho ay ka awood bad-naayeen Qaraxii lagu weeraray Hoteelka Jaziira sannadkii aynu kasoo gudubnay ee 2015-ka.

C/risaaq ayaa sheegay in ciidamada amniga dowladda Somalia ay ka hor-tageen qaraxyada, isagoo xusay inay ku joojiyeen bar-koontarool oo ciidamadu ay ku sugnaayeen, halkaasoo gaarigii koowaad uu isku qarxiyay.

“Gaariga hore ee Qaraxa lagu geystay wuxuu ahaa xamuul, ciidanka amniga dowladduna waxay ku joojiyeen koontaroolka, wuxuu isku dayay inuu halkaas ku soo maro si awood ah, balse markiiba wuu qarxay,” ayuu yiri Wasiirka Amniga oo xusay in afar ka tirsan ciidamadii koontaroolkaas ku sugnaa ay dhinteen.

Wasiirka Amniga ayaa sidoo kale sheegay in ciidamada ay toogteen kooxo isku-dayay inay gudaha u galaan Hoteelka SYL ee Muqdisho, kuwaasoo gaariga ka dagay, wuxuuna xusay in khasaaruhu yaraa marka loo eego Qaraxyadii dhacay xalay.

“Booliiska Somalia iyo hay’adaha taageera ayaa baaritaan ay qaraxyada ku sameeyeen ayay ku tilmaameen inay ahaayeen kuwo ka cuslaa kii Qaraxii lagu weeraray Hoteelka Jasiira ee Muqdisho. Qaraxyadanna waxaa awoodooda la sheegay inay tahay 200-kg, kii Hotelka Jazeera wuxuu ahaa illaa 150-km,” ayuu mar kale yiri wasiirka.

Ugu dambeyn, Hoteelka SYL oo kaso horjeeda Madaxtooyada Somalia ee Muqdisho ayaa xalay lagu weeraray laba qarax, iyadoo la sheegay inay ku dhinteen in ka badan 14-qof oo ay ku jireen xoogaggii weerarka qaaday oo ka tirsanaa Al-shabaab.

Maxamed X. Xuseen, Hiiraan Online
[email protected]
Muqdisho, Soomaaliya













Click here
2/27/2016 1:32 PM EST
Sebti, Feberaayo 27, 2016 (HOL)-Bandhig faneed si heer sare ah loo soo agaasimay ayaa waxaa maanta lagu qabtay xaafada Eastleigh ee Soomaalidu ku badan tahay ee magaalada Nairobi, dalka Kenya.

2/27/2016 11:54 AM EST
Sabti, Feberaayo 27, 2016 (HOL) — Dalka Jabuuti Waxaa Maanta ka Furmay Kulan looga hadlayo howlgalka ciidamada AMISOM ee Somalia ku sugan, kaasoo ay ka qayb-galayaan Mas'uuliyiin ka socda Waddamada ay ka socdaan ciidamada AMISOM iyo kuwa Somalia.

2/27/2016 10:06 AM EST
Sabti, Feberaayo 27, 2016 (HOL) — Madaxweynaha Koonfur Afrika ayaa wuxuu sheegay maanta oo Sabti ah in Midowga Afrika uu u darayo Burundi 100 Kormeerayaal Xuquuqda Aadanaha ah iyo 100 Kormeerayaal ciidan ah, kuwaas oo indho-indheyn ku sameyn doona xaaladaha uu dalkaas ku jiro.

2/27/2016 9:13 AM EST
Sabti, Feberaayo 27, 2016 (HOL) — Madaxweynaha dalka Turkiga Recep Tayyip Erdogan ayaa booqasho ku tagaya toddobaadkan afar waddan oo Afrikaan ah oo ay ku jirto Nigeria, Waxaana booqashadiisan ay billaaban doontaa Axadda Berri a, sida lagu sheegay Warbixin laga soo saaray Maanta oo Sabti ah Xafiiskiisa Ankara.

2/27/2016 8:31 AM EST
Sabti, Feberaayo 27, 2016 (HOL) — Madaxweynaha Somalia, Xasan Sheekh oo ka hadlay Weerarradii xalay ay Al-shabaab ka geystay Muqdisho ee Dadka badani ku Geeriyoodeen, ayna kuwo kalena ay ku dhaawacmeen ayaa sheegay in dowladda Somalia aysan joojinayn dagaalka ay kula jirto kooxda Argagaxisada.

2/27/2016 8:01 AM EST
Sabti, Feberaayo 27, 2016 (HOL) — Magaalada Beledweyne ayaa Maanta si weyn loogu soo dhaweeyay wafdi ka kooban labada golle ee dowladda Soomaaliya iyo Salaadiin kasoo jeeda Gobolka Hiiraan.

2/27/2016 7:25 AM EST
Sabti, Feberaayo 27, 2016 (HOL) — Waxaa sare u kacay Khasaaraha Weerarkii isugu jiray Qaraxyada iyo Iska-horimaadka ahaa ee Xalay lagu qaaday Hotel SYL oo ku dhow xarunta Madaxtooyada Somalia ee Muqdisho, iyadoo khasaaraha Dadka ku dhintay ay marayso 30-qof, dhaawucuna uu ku dhow yahay 60-qof.

2/27/2016 6:19 AM EST
Sabti, Feberaayo 27, 2016 (HOL) — Madaxweynaha Somalia, Xasan Sh. Maxamuud ayaa Kulan la yeeshay Ardayda Soomaaliyeed ee Wax-ka-barta Magaalada Bursa oo Waqooyi-galbeed Waddanka Turkiga.

2/27/2016 5:52 AM EST
Sabti, Feberaayo 27, 2016 (HOL) — RW Somalia, Cumar C/rashiid Cali Sharmaarke ayaa cambaareeyay Qaraxii xalay ka dhacay meel ku dhow Madaxtooyada Somalia, isagoo tacsi u diray ehellada dadkii ku Qaraxaas ku Geeriyooday, kuwii ku Dhaawacmayna u Rajeeyay caafimaad deg-deg ah.