3/28/2024
Today from Hiiraan Online:  _
Wararka Maanta- Sabti, Feb 27, 2016
Khasaaraha Dhimasho ee Weerraradii Muqdisho ka Dhacay Xalay oo Kordhay (Daawo SAWIRRO)

Sabti, Feberaayo 27, 2016 (HOL) — Waxaa sare u kacay Khasaaraha Weerarkii isugu jiray Qaraxyada iyo Iska-horimaadka ahaa ee Xalay lagu qaaday Hotel SYL oo ku dhow xarunta Madaxtooyada Somalia ee Muqdisho, iyadoo khasaaraha Dadka ku dhintay ay marayso 30-qof, dhaawucuna uu ku dhow yahay 60-qof.

Al-shabaab ayaa sheegatay Weerarradaan oo ahaa laba Qarax oo xilliyo isku dhow dhacay iyo kooxo hubeysan oo Weerar toos ah ku qaaday Hoteelka SYL, kuwaasoo dagaal kooban la galay ilaaladii hoteelka.

Isbitaalka Madiina oo xalay la gaarsiiyay dhaawacyada 35-qof, ayaa siddeed qof oo ka mid ah ay ku Geeriyoodeen isbitaalka, sida Warbaahinta u Xaqiijiyeen Mas'uuliyiinta Isbitaalka Madiina ee magaalada Muqdisho.

Sidoo kale, Dhismayaasha ku Bur-buray Qaraxyadan oo ku dhow Hotel SYL ee Muqdisho ayaa laga helay Maydadka lix ruux oo ku dhex-dhimatay, iyadoo tiro kalena ay dhaawacyo kala duwan kasoo gaareen

Wasiirka Amniga gudaha ee Somalia ayaa isaguna warbaahinta u sheegay in afar Askari oo ka tirsan Ciidamada Dowladda Soomaaliya ay ku Dhinteen Weerarkii Xalay, kuwaasoo uu sheegay inay ku sugnaayeen bar-koontarool oo gaarigii miineysnaa ee hore uu ku Qarxay.

Sidoo kale, sagaal qof oo shacab ah iyo Shan Al-shabaab ah oo Weerarkan qaadday ayaa la sheegay inay iyaguna ku dhinteen weerarkii xalay, inkastoo wararku ay intaas ku darayaan inay jiraan dad ku dhintay guryo ay burburiyeen qaraxyadan.

Qaraxyadaan oo ahaa kuwo xoog badan oo degmooyinka Muqdisho si aad ah looga maqlay ayaa Bur-bur ballaaran u geystay dhimayaal ku dhawaa Goobta Qaraxyadan ay ka dhaceen, iyadoo qarxyadan lagu tilmaamay kuwii ugu xajmiga weynaa ee Muqdisho ka dhaca.

Al-shabaab ayaa sheegtay inay Weerarradaan ku beegsadeen Hotel SYL oo Madaxtooyada Soomaaliya kasoo hor-jeeda, inkastoo lasoo sheegay in aysan jirin cid Waxyeello ay kusoo gaartay gudaha Hoteelka SYL, inkastoo dhaawacyo fudud ay soo gaareen dad Hoteelka ku dhex-sugnaa.

Ugu dabmeyn, Wasiirka Amniga Somalia, C/risaaq Cumar Maxamed ayaa Wuxuu sheegay in qaraxyadii xalay ka dhacay Magaalada Muqdisho ay ahaayeen kuwii ugu xoogga badnaa ee Muqdisho ka dhaca xilliyadan, isla marakana xajmiga waxyaabaha qarxa ee Weerarkaan uu ahaa 200-KG.

Maxamed X. Xuseen, Hiiraan Online
[email protected]
Muqdisho, Soomaaliya













Click here
2/27/2016 1:32 PM EST
Sebti, Feberaayo 27, 2016 (HOL)-Bandhig faneed si heer sare ah loo soo agaasimay ayaa waxaa maanta lagu qabtay xaafada Eastleigh ee Soomaalidu ku badan tahay ee magaalada Nairobi, dalka Kenya.

2/27/2016 11:54 AM EST
Sabti, Feberaayo 27, 2016 (HOL) — Dalka Jabuuti Waxaa Maanta ka Furmay Kulan looga hadlayo howlgalka ciidamada AMISOM ee Somalia ku sugan, kaasoo ay ka qayb-galayaan Mas'uuliyiin ka socda Waddamada ay ka socdaan ciidamada AMISOM iyo kuwa Somalia.

2/27/2016 10:06 AM EST
Sabti, Feberaayo 27, 2016 (HOL) — Madaxweynaha Koonfur Afrika ayaa wuxuu sheegay maanta oo Sabti ah in Midowga Afrika uu u darayo Burundi 100 Kormeerayaal Xuquuqda Aadanaha ah iyo 100 Kormeerayaal ciidan ah, kuwaas oo indho-indheyn ku sameyn doona xaaladaha uu dalkaas ku jiro.

2/27/2016 9:13 AM EST
Sabti, Feberaayo 27, 2016 (HOL) — Madaxweynaha dalka Turkiga Recep Tayyip Erdogan ayaa booqasho ku tagaya toddobaadkan afar waddan oo Afrikaan ah oo ay ku jirto Nigeria, Waxaana booqashadiisan ay billaaban doontaa Axadda Berri a, sida lagu sheegay Warbixin laga soo saaray Maanta oo Sabti ah Xafiiskiisa Ankara.

2/27/2016 8:31 AM EST
Sabti, Feberaayo 27, 2016 (HOL) — Madaxweynaha Somalia, Xasan Sheekh oo ka hadlay Weerarradii xalay ay Al-shabaab ka geystay Muqdisho ee Dadka badani ku Geeriyoodeen, ayna kuwo kalena ay ku dhaawacmeen ayaa sheegay in dowladda Somalia aysan joojinayn dagaalka ay kula jirto kooxda Argagaxisada.

2/27/2016 8:01 AM EST
Sabti, Feberaayo 27, 2016 (HOL) — Magaalada Beledweyne ayaa Maanta si weyn loogu soo dhaweeyay wafdi ka kooban labada golle ee dowladda Soomaaliya iyo Salaadiin kasoo jeeda Gobolka Hiiraan.

2/27/2016 6:19 AM EST
Sabti, Feberaayo 27, 2016 (HOL) — Madaxweynaha Somalia, Xasan Sh. Maxamuud ayaa Kulan la yeeshay Ardayda Soomaaliyeed ee Wax-ka-barta Magaalada Bursa oo Waqooyi-galbeed Waddanka Turkiga.

2/27/2016 5:52 AM EST
Sabti, Feberaayo 27, 2016 (HOL) — RW Somalia, Cumar C/rashiid Cali Sharmaarke ayaa cambaareeyay Qaraxii xalay ka dhacay meel ku dhow Madaxtooyada Somalia, isagoo tacsi u diray ehellada dadkii ku Qaraxaas ku Geeriyooday, kuwii ku Dhaawacmayna u Rajeeyay caafimaad deg-deg ah.

2/27/2016 2:42 AM EST
Sabti, Feberaayo 27, 2016 (HOL) — Wasiirka Ammaanka Xukumadda Somalia, C/risaaq Cumar Maxamed ayaa sheegay in Qaraxyadii xalay ka dhacay Muqdisho ay ka awood bad-naayeen Qaraxii lagu weeraray Hoteelka Jaziira sannadkii aynu kasoo gudubnay ee 2015-ka.