3/29/2024
Today from Hiiraan Online:  _
Wararka Maanta- Talaado, Feb 27, 2016
Bandhig Faneed Eastleigh Wood ay Kuqabatay Eastleigh

Sebti, Feberaayo 27, 2016 (HOL)-Bandhig faneed si heer sare ah loo soo agaasimay ayaa waxaa maanta lagu qabtay xaafada Eastleigh ee Soomaalidu ku badan tahay ee magaalada Nairobi, dalka Kenya.

Xaflada oo ka dhacday garoonka ciyaaraha ee iskoolka Eastleigh High School ayaa waxaa soo agaasintay isla markaana isku soo dubba riday shirkada soo saarta barnaamijyada dukumenteriga ah ee kusaabsan dhaqanka Soomaalida ee Eastleigh Wood oo daggan isla xaafada Eastleigh sida laga wada dheehan karo magaceeda.

Waxaa halkaas lagu soo bandhigay suugaan badan oo lagu qaadayay afafka Soomaaliga, Kiswahiliga iyo Ingiriiska oo ay kujireen heeso jacayl ah iyo kuwo wadani ah. Waxaa kaloo sugaanta halkaa lagu soo bandhigay kujiray gabayo iyo ciyaaro dhaqameed gaar ahaan ciyaarta dhaantada. Halkudhagga bandhigga ayaa ahaa 'Eastleigh Maahan Goob Argagixiso ee Waa Meel Hal Abuur'.   

Xaflada ayaa sidoo kale waxaa ka soo qeyb galay kana qeyb qaatay barataarideeda shirkado badan oo ganacsi iyo macaahiid. Waxaa kasoo qeyb gashay shirkada Dahabshiil, baanka Chase Bank oo Kenya caan ka ah, Zetech College, UNISERV oo ah shirkad si tabarucaad ah ardayda ugu raadisa jaamacado dibada ah oo meelo badan oo caalamka ah oo Kenya ay ka mid tahay xafiisyo kuleh iyo shirkada kale oo badan. Shirkadahaa ayaa soo bandhigay badeecooyinkooda iyo adeegyadooda.

Waxaa sidoo kale bandhigga ka soo qeybgalay warbaahin kala duwan oo wax ka qoreysay ama duubeysay bandhigga oo ay ka mid ahayd bartaan wararka ee Hiiraan Online, Iqra FM iyo warbaahino kale.

Masuuliyiin farabadan ayaa goobtaa ka hadlay oo uu kujiray Burhaan Iimaan oo ah agaasimaha shirkada Eastleigh Wood iyo weliba xubno ka tirsan maamulka dawlada Kenya ee Eastleigh.

Xaflada oo bilaabatay galinkii hore ee maanta oo Sebti ah ayaa soo gabagabowday galab gaabadkii isla maanta ayadoo si guul leh ay kusoo dhammaatay.

Xafiiska Wararka ee Hiiraan Online,
Magaalada Nairobi, Kenya.  













Click here
2/27/2016 11:54 AM EST
Sabti, Feberaayo 27, 2016 (HOL) — Dalka Jabuuti Waxaa Maanta ka Furmay Kulan looga hadlayo howlgalka ciidamada AMISOM ee Somalia ku sugan, kaasoo ay ka qayb-galayaan Mas'uuliyiin ka socda Waddamada ay ka socdaan ciidamada AMISOM iyo kuwa Somalia.

2/27/2016 10:06 AM EST
Sabti, Feberaayo 27, 2016 (HOL) — Madaxweynaha Koonfur Afrika ayaa wuxuu sheegay maanta oo Sabti ah in Midowga Afrika uu u darayo Burundi 100 Kormeerayaal Xuquuqda Aadanaha ah iyo 100 Kormeerayaal ciidan ah, kuwaas oo indho-indheyn ku sameyn doona xaaladaha uu dalkaas ku jiro.

2/27/2016 9:13 AM EST
Sabti, Feberaayo 27, 2016 (HOL) — Madaxweynaha dalka Turkiga Recep Tayyip Erdogan ayaa booqasho ku tagaya toddobaadkan afar waddan oo Afrikaan ah oo ay ku jirto Nigeria, Waxaana booqashadiisan ay billaaban doontaa Axadda Berri a, sida lagu sheegay Warbixin laga soo saaray Maanta oo Sabti ah Xafiiskiisa Ankara.

2/27/2016 8:31 AM EST
Sabti, Feberaayo 27, 2016 (HOL) — Madaxweynaha Somalia, Xasan Sheekh oo ka hadlay Weerarradii xalay ay Al-shabaab ka geystay Muqdisho ee Dadka badani ku Geeriyoodeen, ayna kuwo kalena ay ku dhaawacmeen ayaa sheegay in dowladda Somalia aysan joojinayn dagaalka ay kula jirto kooxda Argagaxisada.

2/27/2016 8:01 AM EST
Sabti, Feberaayo 27, 2016 (HOL) — Magaalada Beledweyne ayaa Maanta si weyn loogu soo dhaweeyay wafdi ka kooban labada golle ee dowladda Soomaaliya iyo Salaadiin kasoo jeeda Gobolka Hiiraan.

2/27/2016 7:25 AM EST
Sabti, Feberaayo 27, 2016 (HOL) — Waxaa sare u kacay Khasaaraha Weerarkii isugu jiray Qaraxyada iyo Iska-horimaadka ahaa ee Xalay lagu qaaday Hotel SYL oo ku dhow xarunta Madaxtooyada Somalia ee Muqdisho, iyadoo khasaaraha Dadka ku dhintay ay marayso 30-qof, dhaawucuna uu ku dhow yahay 60-qof.

2/27/2016 6:19 AM EST
Sabti, Feberaayo 27, 2016 (HOL) — Madaxweynaha Somalia, Xasan Sh. Maxamuud ayaa Kulan la yeeshay Ardayda Soomaaliyeed ee Wax-ka-barta Magaalada Bursa oo Waqooyi-galbeed Waddanka Turkiga.

2/27/2016 5:52 AM EST
Sabti, Feberaayo 27, 2016 (HOL) — RW Somalia, Cumar C/rashiid Cali Sharmaarke ayaa cambaareeyay Qaraxii xalay ka dhacay meel ku dhow Madaxtooyada Somalia, isagoo tacsi u diray ehellada dadkii ku Qaraxaas ku Geeriyooday, kuwii ku Dhaawacmayna u Rajeeyay caafimaad deg-deg ah.

2/27/2016 2:42 AM EST
Sabti, Feberaayo 27, 2016 (HOL) — Wasiirka Ammaanka Xukumadda Somalia, C/risaaq Cumar Maxamed ayaa sheegay in Qaraxyadii xalay ka dhacay Muqdisho ay ka awood bad-naayeen Qaraxii lagu weeraray Hoteelka Jaziira sannadkii aynu kasoo gudubnay ee 2015-ka.