3/29/2024
Today from Hiiraan Online:  _
Wararka Maanta- Arbaco, Feb 15, 2017
Xukuumadda Somaliland oo ka jawaabtay hadal ka soo yeedhay dawladda Soomaaliya

 

Arbaco, Febraayo ,15, 2017 (HOL)-Xukuumadda Somaliland ayaa ka jawaabtay hadal ka soo yeedhay hanti dhawraha Soomaaliya oo dhaliilay heshiihska Somaliland iyo Imaaraadka dhexmaray ee saldhiga militari ku dhisanayaan magaaladda Berbera.

Afhayeenka madaxweynaha ayaa hadalkaasi ku tilmaamay farogalin qaawan oo xukuumadda Soomaaliya heshiishkii Somaliland la gashay Imaaraadka Carabta ee saldhiga Militari.

“Somaliland waxay si weyn ula socotaa in Xukuumadda ka talisa Villa Somalia ay si toos ah iyo si dadbanba gacanta ugula jirto arrimo ka dhan ah Nabadda, Wada-jirka, Horumarka, Danaha Dhaqaale iyo kuwa Siyaasadeed ee Qaranka Somaliland. Dawladda iyo Shacabka JSL waxay og yihiin si weyna isha ugu hayaan fadqalalooyinka qorshaysan ee ay Xukuumadda Xamar soo abaabulayso taasoo ay uga dan leedahay in khal-khal lagu geliyo Nabadda, Deganaanshaha, Horumarka iyo Dimuqraadiyadda ka hana-qaaday Somaliland. Sidoo kale, Xukuumadda Federaalka Soomaaliya waxay si cad oo aan gabasho lahayn ugu foogan tahay carqaladaynta tallaabo kasta oo uu Qaranka JSL xagga wanaagsan u qaado.”ayaa lagu yidhi war-saxaafadeed ka soo baxay madaxtooyadda Somaliland oo uu ku saxeexan yahay afhayeenka madaxweynaha Xuseen Deyr.

Waxaanu intaas ku daray “Somaliland waxay si adag u cambaaraynaysaa hadalkii Riyada, Indha-adayga iyo Meel-ka-dhacaba ahaa ee ka soo baxay Xukuumadda Soomaaliya (14.02.2017-ka), taasoo ay si qaawan oo aan xishood lahayn ugu faro gelisay Heshiiska dhex maray Dawladaha Jam. Somaliland iyo Imaaraatka Carabta ee la xidhiidha Saldhiga Milatari ee laga hirgelinayo Marsada Caalamiga ah ee Berbera.Hadalka ka soo baxay Xukuumadda Soomaaliya waa mid gef, meel ka dhac, faro-gelin iyo aflagaadaba ku ah Qarannimada iyo jiritaanka Somaliland iyo shacabkeedaba. Hadalka ka soo baxay Xukuumadda Soomaaliya wuxuu ahaa hadal si toos ah loogu faro-gelinayo nabadda iyo degenaanshaha Somaliland oo salka ku haya hurin colaadeed, iska horkeen shacab iyo aafo la kala dhex-dhigo Ummadda Jam. Somaliland ee ku sifowday samaha iyo nabad ku wada noolaanshaha.”

“Hadalkan ka soo yeedhay xukuumadda Soomaaliya ee ay ku eedaysay in dawlada imaaraatka carabtu ay soomaaliya qas ka wado, waa mid abaal gad ku ah samaha iyo waxtarka ay dawladda imaaraadka carabtu u geysatay dalka soomaaliya.”ayuu yidhi

“Somaliland waxay baaq dheer u diraysaa Dalalka Midowga Afrika, Midowga Yurub, Maraykanka, Jaamacada Carabta, Urrurka Dalalka Islaamka iyo dhamaanba Dalalka ku Midoobay Jamciyada Quruumaha ka dhaxaysa inay si cad wax uga qabtaan fara gelinta qaawan ee ay Dawladda Soomaaliya ku hayso arrimaha  Somaliland.”ayuu hadalkiisa raaciyey isagoo beesha caalamka la hadlaya.

Hanti dhawraha Soomaaliya ayaa sharci daro ku tilmaamay heshiishan labadda gole ee Somaliland meel mariyeen, waxaanu sheegay in imaaraadku farogalin ku sameeyey arrimaha Soomaaliya, taas ayey ka dambaysay jawaabtan xukuuumadda Somaliland.

Barkhad-ladiif  M. Cumar, Hiiraan Online
[email protected]
Hargeysa, Somaliland.

 













Click here
2/15/2017 2:33 PM EST
Arbaco, Feberaayo, 15, 2017 (HOL) – Kooxo bastoolado ku hubeysan ayaa caawa ku toogtay degmada Wadajir ee gobolka Banaadir nabadoon lagu magacabi jiray Muuse Max’uud Rooble.

2/15/2017 12:59 PM EST
Arbaco, Feberaayo, 15, 2017 (HOL) - Madaxweynaha dhawaan la doortay ee Soomaaliya Max’ed C/llaahi Farmaajo ayaa maanta mar kale xarunta madaxtooyada kula kulmay madaxweynihii hore ee Soomaaliya Xassan Sheekh Max’uud , waxaana sidoo kale kulanka goob joog ka ahaa guddoomiyaha baarlamaanka Prof Max’ed Cismaan Jawaari.

2/15/2017 10:25 AM EST
Arbaco, Feberaayo, 15, 2017 (HOL) - Dowladda Burundi ayaa ciidamo cusub geysay Soomaaliya, kuwaas oo badali doona ciidamadii horay uga howlgalayay gudaha dalka Soomaaliya ee ka socday isla dalkaasi Burundi.

2/15/2017 9:17 AM EST
Arbaco, Feberaayo, 15, 2017 (HOL) – Booliska dalka Malaysia ayaa xabsiga u taxaabay haweeney lagu tuhunsan yahay inay xiriir la lahayd dil loo geystey nin ay walaalo ahaayeen hogaamiyaha dalka W/kuuriya kaa soo lagu dilay garoonka diyaaradaha Kuala Lambur.

2/15/2017 9:05 AM EST
Arbaco, Febraayo ,15, 2017 (HOL)- Ciidamadda Booliska Somaliland ayaa madaarka magaaladda Hargeysa ku xidhay wariye CabdiMaalik Muuse Coldoon oo ka soo laabtay safar uu ku tagay magaaladda Muqdisho ee Soomaaliya.

2/15/2017 8:51 AM EST
Arbaco, Feberaayo, 15, 2017 (HOL) – Kulan magaalada Jowhar ay ku yeesheen xubno ka tirsan ganacsatada labada gobol Hiiraan iyo Shabeellaha dhexe ayaa looga dhawaaqay guddoomiyaha rugta ganacsiga maamul gobolleedka Hirshabeelle.

2/15/2017 6:28 AM EST
Arbaco, Feberaayo, 15, 2017 (HOL) - Wasaaradda gaadiiidka iyo duulista hawada Soomaaliya ayaa sheegay in la hakiyay duulimaadka garoonka Aadan Cadde ee 22-ka bishan oo ku beegan maalinta caleemo saarka madaxweynaha cusub ee Soomaaliya.

2/15/2017 5:26 AM EST
Arbaco, Feberaayo, 15, 2017 (HOL) - Doon ku soo wajaneyd dekedda degmada Hobyo ee koonfurta gobolka Mudug ayaa ku degtay xeebaha dalka Cumaan,sida laga soo xigtay ganacsatada ay doonida u rarneyd.

2/15/2017 3:28 AM EST
Arbaco, Febraayo 15, 2017 [HOL]-Xukuumada Somaliland ayaa ka codsatay dawlada Donald Trump ee Mareykanka in laga saaro liiska dalalka Trump uu ku soo rogay xayiraada Socdaalka.

2/15/2017 3:24 AM EST
Arbaco, Feberaayo, 15, 2017 (HOL) - Madaxweynaha Jamhuuriyadda Federaala Soomaaliya Mudane Maxamed Cabdullaahi Maxamed Farmaajo ayaa kulan la qaatay masuuliyiin ka socda dalalka Jarmalka iyo Masar, waxayna ka wada hadleen sidii xiriirka dalalkaas iyo Soomaaliya loo xoojin lahaa.

2/15/2017 3:12 AM EST
Arbaco, Feberaayo, 15, 2017 (HOL) - Dawladda Kuuriyada Konfureed ayaa xaqiijisay in hogaamiyaha Kuuriyada Waqooyi Kim Jong-un walaalkii lagu dilay Malayshiya.

2/15/2017 2:45 AM EST
Arbaco, Feberaayo, 15, 2017 (HOL) - Warar dheeraad ah ayaa ka soo baxaya dagaal shalay gelinkii dambe ka dhacay inta u dhaxeysa deegaanka Ceel Cabdi oo ka tirsan Gobolka Mudug, iyadoo dagaalkan uu u dhaxeeyay ciidamo ka tirsan Kumaandooska Soomaaliya, kuwa Galmudug oo dhinac ah iyo dagaalamayaasha Al-Shabaab.

2/15/2017 2:36 AM EST
Arbaco, Febraayo 15, 2017 [HOL]-Ergayga gaarka ah ee midowga Afrika u qaabilsan Soomaalia FRANCISCO CAETANO JOSÉ MADEIRA ayaa sheegay in waa san uu u baryay dalka Soomaaliya kadib doorashadii dhawaan la doortay madaxweynaha sida weyn shacabku u taageersan yahay, Mudane Maxamed C/Laahi Farmaajo.

2/15/2017 2:34 AM EST
Arbaco, Feberaayo, 15, 2017 (HOL) - Qaraxa oo ahaa miino lagu aasay wadadda dhinaceeda ayaa ka dhacay xaafadda Xaaw Taako ee magaalada Beledweyne, xili ay halkaa marayeen ciidamo ka tirsan kuwa howlgalka midowga Africa AMISOM, gaar ahaan ciidamada Itoobiya.

2/15/2017 2:22 AM EST
Arbaco, Feberaayo, 15, 2017 (HOL) - Munaasabad si weyn loo soo agaasimay oo ay ka qeybgaleen dad aad u faro badan, isla markaana lagu taageerayay dowladda cusub ee Soomaaliya ayaa ka dhacday Magaalada Portland, Oregon ee cariga Maraykanka. Munaasabaddan ayaa waxaa ka hadlay dad aad u badan kuwaasi oo taageero buuxda u muujiyay madaxweynaha la doortay ee Soomaaliya Mudane Maxamed Cabdulaahi Farmaajo.

2/15/2017 2:05 AM EST
Arbaco, Febraayo 15, 2017 [HOL]-Hayada CARE ayaa sheegtay in loo baahan yahay in abaarta Soomaaliya si dagdag wax looga qabto hadii kale xaaladu ay kasii dari karto.