Kulan lagu taageeray madaxweyne Farmaajo oo lagu qabtay Portland Oregon
Arbaco, Feberaayo, 15, 2017 (HOL) - Munaasabad
si weyn loo soo agaasimay oo ay ka qeybgaleen dad aad u faro badan,
isla markaana lagu taageerayay dowladda cusub ee Soomaaliya ayaa ka
dhacday Magaalada Portland, Oregon ee cariga
Maraykanka. Munaasabaddan ayaa waxaa ka hadlay dad aad u badan kuwaasi
oo taageero buuxda u muujiyay madaxweynaha la doortay ee Soomaaliya
Mudane Maxamed Cabdulaahi Farmaajo.
Xafladan
oo ay kasoo qeybgaleen jaaliyada soomaaliyeed ee gobolka Oregon waxaa
soo qabanqaabiyay hoggaamiyayaasha Jaaliyada Soomaaliyeed ee gobolka
Oregon aasi oo loogu hambalyeynahay madaxweynaha
cusub oo ay sida dimuquraadiyada leh uu doorteen xildhibaanada qaranka.
Waxaana goobta munaasabada ay ka dhacaysay ka hadlay waxgaradka,
mas’liyiinta dhilanyarada iyo haweenka jaaliyada Soomaalida ee gobolka
Oregon ee cariga Maraykanka.
Goobta
Munaasabada ay ka socotay ayaa guud ahaan waxaa kuwada dheganaa Boorar
aad iyo aad u qurux badan oo lagu taageerayo Madaxweynaha Jamhuuriyadda
Soomaaliya Mudane Maxamed Cabdullahi Farmaajo, hal ku
dhigyada lagu qoray boorarka ayaa ah Cadaalad, Sinaan, Nabad iyo
Horumarka intaba ku taageer Madaxweyne Maxamed Cabdullahi Farmaajo,
waxaana inta badan marka aad fiiriso wejiyada
dadka munaasabadaa ka soo qeybgalay ka Muuqatay Farxad iyo Raynrayn.
Guud
ahaan Munaasabadaa oo ahayd Soo Dhawayn iyo Taageero buuxda oo loo
dirayey Mudane Madaxweyne Maxamed Cabdullahi Farmaajo ayaa waxey ku soo
gabogabowdey
sidii loogu talagaley iyo si ka Sareysa.
Abdifatah Mohamed Abdurahman(Biyonde)
Portland, Oregon,