Lacago dheeraad ah oo laga qaadayo dadka ka dhoofaya garoonka diyaaradaha Muqdisho
Khamiis, Feberaayo, 16, 2017 (HOL) – Waxaa lacago dheeri ah lagu soo rogay
dadka ka dhoofaya Garoonka Aadan Cadde ee magaalada Muqdisho, sida ay sheegeen
howlwadeenada garoonka diyaaradaha.
Maareeyaha garoonka Aadan Cadde Cabdi Ashkir Jaamac ayaa warbaaahinta u
sheegay arintan, waxaana uu intaa ku darray in lacago dheeri ah lagu soo
rogay dadka ka dhoofaya garoonka Aadan Cadde ee magaalada Muqdisho.
Sidoo kale Cabdi Ashkir Jaamac maareeyaha
garoonka Aadan Cadde ayaa sheegay sababta arrintan loo sameeyay in ay tahay
sidii lacago loogu uruurin lahaa dadka ay Abaaraha saameeyeen.
Waxaa uu sheegay in dadka ka dhoofaya
Garoonka Aadan Cadde una socdaalaya gobalada dalka laga qaadayo lacag dhan 5
Dollar, halka dadka kale ee u safraya meel dalka ka baxsan laga qaadayo 10
Dollar, waxaana arrintan ay socon doontaa mudo 3 bilood ah.
Ugu danbeyntii, abaaraha ka jira dalka ayaa waxa ay yihiin kuwo aad u daran,
waxaana dowladda federaalka iyo maamul goboleedyada ay wadaan dadaalo dadkan
loogu gurmanayo.
C/raxmaan Diini, Hiiraan Online
[email protected]
