Sawirro Dheeraad ah : munaasabadii uu xilka kula wareegay madaxweyne Farmaajo
Khamiis, Feberaayo, 16, 2017 (HOL) – Munaasabada oo aheyd mid siweyn looga soo shaqeeyay ayaa waxaa xilka kula wareegay madaxweynaha cusub ee Soomaaliya Maxamed Cabdullaahi Farmaajo, iyadoo si rasmi ah uu xilka u wareejiyay madaxweynihii hore Xassan Sheekh Max’uud.
Munaasabada xil wareejinta ayaa waxaa ka qeyb galay Guddoonka Baarlamaanka,
labada aqal, Wasiirada Xukuumadda xilka sii heysa, Xildhibaanada labada gole,
iyo marti sharaf kale.
Madaxweynihii hore ayaa ku soo
dhoweeyay Xarunta Madaxtooyada, Madaxweynaha cusub ee afarta sanno ee soo
socota Mudane Maxamed C/llaahi Farmaajo.
Madaxweynihii hore Xassan Sheekh Max'uud ayaa ku wareejiyay Madaxweynaha cusub,
Documentiyadii intii xilka hayay, sidoo kale waxaa uu ku wareejiyay hadiydihii
uu ku soo guddoomay magaca Soomaaliyeed, ee safaradii uu dibaddaha tagay,
waxaana ka mid ahaa hadiyadahaas seef dahab, agabyo kale oo isugu jiray dahab,
qallin iyo maar.
Waxaa uu ka mahad celiyay madaxweyne Farmaajo hadiyadaha uu guddoomay,
isagoo ku ammaanay Madaxweynihii hore howsha uu u qabtay qaranka afartii sano
ee la soo dhaafay.
Mmadaxweynihii hore ayaa lagu sagootiyay astaanta calanka Qaranka, iyadoo
Madaxweynaha cusub uu wixii maanta ka dambeeyay uu si rasmi ah ugu shaqeyn
doono Xarunta Madaxtooyada.
Hadaba guud ahaan marka aad eegto sida ay u
dhacday munaasabadii maanta waxaa ay kuu muujineysaa biseylka siyaasadeed ee Soomaalida,
iyadoo dowladdaha caalamku ku amaanayaan madaxda Soomaaliyeed sida wanaagsan ee dimuquraadiyada ku
dhisan tahay oo ay xilalka ugu kala wareegayaan.
C/raxmaan Diini, Hiiraan Online
[email protected]
