Madaxweyne Farmaajo oo xilalkii ugu horeeyay magacaabay
Khamiis, Feberaayo, 16, 2017 (HOL) – Madaxweyne
Maxamed Cabdullaahi Farmaajo oo maanata si rasmi ah xafiiska ula wareegay ayaa
magacaabay xilalkii ugu horeeyay ee Qaranka, tan iyo markii 8dii bishan la
doortay.
Madaxweynaha ayaa Danjire Cali Saciid Fiqi u
magacaabay in laga bilaabo maanta uu noqonayo agaasimaha ama madaxa shaqaalaha
madaxtooyada Villa Soomaaliya.
Sidoo kale, Xusseen Macalim Maxamuud ayaa loo
magacaabay in uu noqdo la taliyaha dhinaca amniga Qaranka ee madaxweynaha,
halka Siyaad Maxamuud Shire loo magacaabay madaxa
baratikoolka iyo habmaamuuska madaxtooyada Soomaaliya.
Danjire Cali Saciid Fiqi ayaa hadda ku
magacaaban Danjiraha Somaliya u fadhiya Midowga Yurub ahna Wakiilka Somaliya ee
Wadamada Belgium, Holland & Luxembourg.
Halka Siyaad Maxamud Shire wali ku magacaaban
yahay qusulka safaarada Soomaaliya ee dalka Sacuudi Arabai.
Munaasabada caleemo saarka madaxweynaha ayaa la
filayaa in ay dhacdo 22ka bishan oo ku beegan maalinta Arbacada ah todobaadka
danbe.
C/raxmaan Diini,
Hiiraan Online
[email protected]