75 ruux oo ku dhimatay qarax ka dhacay dalka Pakistaan
Jimco, Feberaayo, 17, 2017 (HOL) - Inta la xaqiijiyay 75 ruux
ayaa ku dhimatay qarax uu fuliyay qof is miidaamiye ah oo ka dhacay masaajid
caan ah oo ku yaalla Koonfurta Pakistan,sida laga soo xigtay saraakiisha
ammaanka.
Qof goobjooge ah ayaa sheegay in ruuxa weerarka gaystay uu miino tuuray ka
dibna isku qarxiyay dadka suufiyada ah oo xadraynaya magaalada Sehwan ee
gobolka Sindh.
Sawirro laga qaaday gudaha goobta uu qaraxu ka dhacay ayaa muujinaya dhulkii
oo dhiig qariyay, iyadoo ay daadsan yihiin dhar iyo kabo sandal ah.
Weerarka ay ku dhinteen dadka badan waxaa cambaareeyay ra’iisul wasaaraha
dalka Pakistan,Nawaz Sharif.
Kooxda isku magacawda dawladda Islaamka ayaa sheegatay mas’uul inay ka tahay
weerarka ka dhacay masaajidka caanka ka ahaa Koonfurta Pakistan.
Ugu danbeyntii, weerarkan ayaa ka mid noqonaya dhowr weerarrada ay ka
geysato dalka Pakistan kooxda ISIS.
C/raxmaan Diini, Hiiraan Online
[email protected]