Ciidamadii duulaanka ku ahaa degmada Xarardheere oo dib ugu laabtay fariisimahoodii hore
Jimco, Feberaayo, 17, 2017 (HOL) - Wararka naga soo gaaraya gobolka
Mudug ayaa sheegaya in ciidamo isugu jira kumaandooska xoogga dalka iyo kuwa
Galmudug oo maalmahan guluf dagaal ka waday Koofurta
Mudug ayaa la sheegay inay dib ugu laabteen fariisamahoodii hore.
Ciidamada ayaa qorshahooda ahaa in ay
duulaan ku qaadaan degmada Xarardheere ee hobolka Mudug, halkaasoo ay gacanta
ku hayaan Al-Shabaab.
Dadka deegaanka ayaa sheegaya in ciidamadan oo maalmo ka hor dagaalo kula
galay Al-Shabaab duleedka deegaanka Camaara ayaa haatan la sheegayaa inay ku
laabteen magaalada Gaalkacyo ee Gobolka Muddug.
Wararka ayaa sheegaya in ciidamadan ay qeyb ka ahaayeen kuwa Puntland,
waxaana taageerayay diyaarado dagaal oo dul heehaabayay deegaanada Camaara iyo
Ceel cabdi.
Yuusuf Salaad Maxamuud guudoomiyaha deegaanka Camaara ayaa sheegay in
ciidamadan ay u dhaqaaqeen dhanka Gaalkacyo iyo Hobyo, isagoo xusay inay ku
jireen ciidamo ka tirsan kuwa Puntland.
Ugu danbeyntii, lama oga sababaha keenay in ciidamadan inay dib ugu laabtaan
deegaanada ay markii hore ka yimaadeen.
C/raxmaan Diini, Hiiraan Online
[email protected]
