Madaxweynaha Mareykanka Donald Trump oo aan wali heli la taliye dhinaca amniga
Jicmo, Feberaayo, 17, 2017 (HOL) - Qofkii uu
madaxweyne Donald Trump u doortay in uu noqdo kaaliyihiisa ammaanka Qaranka
ayaa diiday shaqadaas.
Robert Harward oo ah sarkaal hore oo ciidammada Maraykanka la soo shaqeeyay
ayaa si wayn loola xiriiriyay jagadan ka dib markii uu Trump shaqada ka eryay
Michael Flynn Isniintii.
Sarkaal aqalka cad u hadlay ayaa sheegay in Harward uu u cudurdaartay arrimo
qoys iyo kuwo maaliyadeed, laakiin warbaahinta Maraykanku waxay ku warrantay in
uu doonayay in uu kooxdiisa keensado.
Flynn ayaa marin habaabiyay madaxweynaha dalka Maraykanka Mike Pence markii
uu la waadaagay macluumaadka ku saabsan wadahadalkii uu la yeeshay safiirka
Ruushka ee dalka Maraykanka.
Ugu danbeyntii, caqabadaha ayaa soo baxaysa saacado uun ka dib markii Trump
uu diiday wararka ay tabiyeen warbaahinta ee ku aadan in jahwareer uu ka taagan
yahay Aqalka Cad, wuxuuna ku adkaystay in maamulkiisu uu si wanaagsan hawsha u
kala wado.
C/raxmaan Diini, Hiiraan Online
[email protected]
