Xarakada Al-shabaab oo fulisay xukun gacan goyn ah
Sabti,
Feberaayo, 18, 2017 (HOL) --Al Shabaab ayaa xukun gacan goyn ah waxa ay
ku fuliyeen wiil dhalinyaro ah magaalada Galhareeri ee Gobolka Galgaduud, kadib
markii maxkamada Shabaab ee Gobolka ay xukuntay in wiilkaasi gacanta laga
gooyo.
Wiilkaan dhalinyarada ah ayaa la soo taagay meel
fagaare ah oo dadka la isugu yeeray shalay gelinkii dambe si ay u daawadaan
qaabka uu u dhacaayo xukunka gacan goynta ah ee lagu fuliyay wiilkaasi.
Qaadiga maxkamada Al-shabaab ayaa sheegay Maxamed
Cilmi Jaamac oo 27-sano jir ah in lagu helay fal xatooyo ah, kadib markii uu
qirtay sida uu sheegay qaadiga in Wiilkaasi uu lacag ka xaday goob ganacsi.
Intaasi kadib ayaa rag u diyaarsanaa in ay gacanta wiilkaasi gooyaan, waxaa ay
ku boobeen mindi, waxayna ka jareen gacanta qaybta hore, taasi oo argagax ku
abuurtay dadkii daawanaayay ee fagaaraha ku sugnaa.
Ugudanbeyntii, xukunada noocaan oo kale ah ayeey Al-shabaab
ka fuliyaan gssobolada dalka Somaliya, gaar ahaan Magaalooyinka ay joogaan
iyaga oo sheegaya qofka falka lagu fulinaayo inuu sameeyay qiraal.
C/raxmaan Diini, Hiiraan Online
[email protected]
