Madaxweynaha Soomaaliya oo warqadihii aqoonsiga ka guddoomay safiirka Britain
Sabti, Feberaayo, 18, 2017 (HOL) – Madaxweynaha Soomaaliya Maxamed
Cabdullaahi Farmaajo ayaa warqadihii aqoonsiga ka guddoomay safiirka cusub ee dowladda Britain u soo
magacaawdey Soomaaliya.
Safiirkan ayaa noqonaya kii ugu horeeyay warqadihiisa aqoosiga ku wareejiya
madaxweynaha cusub ee Soomaaliya Maxmaed Cabdullaahi Farmaajo.
David William Concar Safiirka cusub ee dowladda Britain, ayaa sheegay in
kulanka isaga iyo madaxweynaha ay isku soo qaadeen in si dhab ah loo xoojiyo
taageerada joogtada ah ee Soomaaliya ay siiyaan, dhowaanna la qaban doono shir
looga hadlayo siyaasadda Soomaaliya.
“Maanta, waxaa la iga guddoomay anigoo ah safiirka UK ee Soomaaliya
warqadaha, taasna waxa ay daliil u tahay taageerada ballaaran ee aan Soomaaliya
u heynno,
Madaxweynaha waxaan ka wada hadalnay amniga iyo sida ay muhiim u tahay
in laga wada shaqeeyo, sidoo kale waxaa isla soo qaaday abaaraha ka jira
Soomaaliya oo u baahan in si deg deg ah wax looga qabto, isaga oo sheegay in uu
jiro shir weyn oo siyaasadda Soomaaliya looga hadlayo oo ka dhici doona bisha
May magaalada London, kaasoo ayuu yiri wax badan ka tari doona hormarinta arimaha siyaasada iyo bani’aadannimada.
Ugu danbeyntii, Soomaaliya iyo Britain oo leh taariikh fog waxaana muuqda hadda in ay dowladda Britain
waddo dedaallo ay uga qeyb-qaadeyso horumarka iyo dhismaha Soomaaliyada cusub.
C/raxmaan Diini, Hiiraan Online
[email protected]
