Doorasho la filayay in ay manta ka dhacdo Galmudug oo dib u dhac ku yimid
Axad, Feberaayo, 19, 2017 (HOL) – Iyadoo lagu waday maanta oo 19ka Bisha
February in ay ka dhacdo magaaalada Cadaado doorashada xilka madaxweynaha
maamulka, ayaa wararka halkaa ka imanaya waxaa ay sheegayaan in uu dib u dhac
ku yimid.
Gudiga qabanqaabada doorashada madaxweynaha oo warbaahinta la hadlay ayaa
sheegay in sababo farsamo dib ugu dhacday doorashada.
Waxaa ay beeniyeen gudiga warar sheegaya in doorashada gabi ahaanba meesha
laga saaray, hasse ahaatee waxaa ay shegeen in wali qorshuhu sidiisii yahay,
balse ma aysan sheegin waqtiga kama danbeysta ah ee loo balansan yahay in ay
dhacdo.
Ugu danbeyntii, Xildhibaannadii horay u shegay in ay xilka ka qaadeen
madaxweynaha Galmudug Cabdikariin Xusseen Gulleed ayaa dhowr jeer oo hore
sheegay in ay dooranayaan madaxweyne cusub, inkastoo arintaa khilaaf
siyaasadeed oo xoog leh ka dhax abuurtay hay’addaha maamulka Galmudug.
C/raxmaan Diini, Hiiraan Online
[email protected]