Nabadsugida Galmudug iyo ciidamo Mareykanka ah oo saldhig ka sameysanaya gobolka Mudug
Axad, Feberaayo, 19, 2017 (HOL) – Wararka naga
soo gaaraya gobolka Mudug, ayaa sheegaya in ciidamo ka tirsan nabad-sugida
maamulka Galmudug iyo ciidamo Mareynkan ah saldhig ka sameynayaan qeybo ka mid
ah gobolka Mudug.
Saadiq Cumar Xassan oo ah taliyaha ciidamada nabad-sugida Galmudug oo warbaahinta la hadlay ayaa sheegay in howlgalada
ay fulinayaan ciidamada wada jirka uu yahay sidii loola dagaalami lahaa
Al-Shabaab iyo kooxaha burcad badeedka.
Waxaa uu sheegay Mareykanka iyo dowladda Soomaaliya ay gacan ka geysanayaan
sidii xero ciidan looga hirgelin lahaa xeebaha Mudug, gaar ahaan degmada Hobyo.
“Hada waxaa joognaa degmada Hobyo, waxaa rabnaa inaan xarun milateri ka
sameysano, maadaama Ciidamada Galmudug ay ka dheer yihiin deegaanada xeebaha
Mudyg, qeyb ka mid ah ay heystana Al-Shabaab”ayuu yiri Saadaq Cumar Xasan.
Mar uu ka hadlayay howl galada ay kula wehliyaan Ciidamada Puntland ayuu
sheegay inay magaca ka dhaxeeya uu yahay hal ciidan, isla markaana aanay cadaw
isku aheyn sida uu yiri.
Dadka deegaanka Gobolka Mudug ayaa sheegay in ciidamo Mareykan ah oo wata
gawaarida gaashaaman, ciidamada nabadsugida Galmudug iyo ciidanka Puntland ayaa
maalmo ka hor weerar ku qaaday deegaano ka tirsan Koofurta Mudug, iyagoo dagaal
kooban la galay Al-Shbaaab.
Ugu danbeynti, ciidamadan huwanta ahaa ayaa ujeedkooda ahaa inay la
wareegaan degamda Xarardheere oo ay gacanta ku hayaan Al-Shababa, hase ahaatee
ay dib uga soo laabteen.
C/raxmaan Diini,
Hiiraan Online
[email protected]
