Xarrakada Al-shabaab oo la wareegtay gacan ku heynta deegaanka Camaara ee gobolka Galguduud
Talaado, Feberaayo, 21, 2017 (HOL) – Wararka ka imanaya deegaanka Camaara ee
gobolka Galgaduud oo dhawaan ay tageen ciidamo Galmudug oo wehlinayeen
ciidamada Danab ee militariga dowladda Soomaaliya, ayaa lagu waramayaa in ay la
wareegeen dagaalamayaal ka tirsan Al-shabaab.
Goob joogayaal ayaa VOA u sheegay in xoogaga
Al-shabaab dab qabadsiiyeen goobo makhaayado ahaa, kuwaas oo Al-shabaab ay ku
sheegeen in ay fariisin u ahaayeen ciidamadii wada socday ee toddobaadkii hore
gaaray Camaara.
Waxaa sidoo kale wararku ay sheegayaan in 20 qof ay Al-Shabaab halkaas ka ka
xeysteen lamana oga halka ay la aadeen.
Camaara waxay magaalada Cadaado u jirtaa 100KM, illaa iyo hadda m ajiraan
wax war ah oo kasoo baxay maamulka Galmudug oo arrintan ku aadan.
Ciidama dowladda iyo kuwa Galmudug ayaa maalmihii ugu danbeeyay isku
diyaarinayay duulaan ka dhan ah xoogagga Al-shabaab ee gacanta ku haya degmada
Xarardheere, hasse ahaatee waxaa muuqata in Al-shabaab ay bilaabeen howlgalo ay
uga hortagayaan ciidamada wada socda.
C/raxmaan Diini, Hiiraan Online
[email protected]