3/28/2024
Today from Hiiraan Online:  _
Wararka Maanta- Jimco, May 26, 2017
Madaxweynaha Koonfur Afrika oo saxiixay Hindise cusub oo Muhaajiriin dhan Hal Milyan oo qof ay dalka kaga sii shaqaysan karaan


Jimco, May, 26, 2017 (HOL) - Madaxweynaha Koonfur Africa Jocob Zuma ayaa saxiixay sharci cusub oo dadka soo galootiga ah u ogalaanaya in ay qaadan karaan ama badali karaan sharcigooda qaxootinimo ka dib kulan uu shir gudoominayay oo ay yeesheen golaha wasiirada ee Koonfur Afrika.

Arintan ayaa qaxootiga u saamaxaysa in ay heli karaan shaqooyin , isla markaana ay ka bixi karaan xayndaab kasta oo cunaqabatayn iyaga lagu saari karo, waxaana arintan la sheegay in ay fursado cusub oo dhaqaale ay u abaarayso dadka magan-galyo doonka ah.

Qorshahan ayaa bilaaban doona asbuuca labaad ee bisha todobaad ee sanadkan aynu ku jirno , waxaana hal milyan oo qof oo dalka Koonfur Afrika ku nool ay fursad u haystaan in loo cusboonaysiiyo waraaqahooda shaqada muddo laba sano ah.

Wasiirka Guriyaynta Koonfur Afrika Prof. Hlengiwe oo shaacisay arintan ayaa sheegtay in madaxweynaha uu saxiixay qorshahan oo ay sheegtay in uu dhawaan bilaaban doono ,iyada oo muhaajiriinta ay dalban karaan waraaqaha cusboonaysiinta  ee dhanka shaqada.

“Waxaan idiin cadayn karaa in golaha wasiirada ay si rasmi ah u ansixiyaan hindisahan cusub “ ayey tiri wasiiradda oo aan si faah-faahsan uga hadlin qorshahan cusub oo ay soo dhaweeyeen boqolaal muhaajiriin ah oo dalkaas ku nool.

Ugu danbayn, dalka Koonfur Afrika ayaa caan ku ah beegsiga dadka soo galootiga ah iyo ajnabi nacaybka gaar ahaan kuwa Afrikaanka ah oo inta badan la beegsado ,iyaga oo ku sugan xarumahooda ganacsiyada ee ku yaala magaalooyinka waa weyn ee dalkaas.

Faysal M. Hassan
[email protected]














Click here
5/26/2017 1:28 PM EST
Jimco, May, 26, 2017 (HOL) – Dowladda federaalka Soomaaliya ayaa si rasmi ah ugu dhawaaqday in Radamaan caawa koow yahay, sidda ay shaacisay wasaarrada Diinta iyo Owqaafta.

5/26/2017 10:54 AM EST
Jimco, May, 26, 2017 (HOL) - Maxkamadda sare ee Soomaaliya ayaa laashay siddeed ka mid ah kuraasta aqalka hoose ee baarlamanka Soomaaliya, waxayna amartay in dib loogu noqdo doorashaadooda.

5/26/2017 6:32 AM EST
Jimco, May, 26, 2017 (HOL) –Madaxweynaha Jamhuuriyadda Federaalka Soomaaliya Maxamed C/laahi Maxamed (Farmaajo), ayaa maanta dalka dib ugu noqday, kadib maalmo uu booqasho ku joogay qaar kamid ah wadamadda Khaliijka iyo Jabuuti.

5/26/2017 6:15 AM EST
Jimco, May, 26, 2017 (HOL) –Wasiirka Gargaarka Iyo Maareynta Musiibooyinka xukuumadda Soomaaliya Maryan Qaasim, ayaa maanta oo jimca ah daahfurtay mashruuc cusub oo la doonayo in lagu afuriyo 1.1 million oo Soomaali oo ku nool gudaha dalka Soomaaliya.

5/26/2017 2:15 AM EST
Jimco, May, 26, 2017 (HOL) –Dalka Yemen waxaa shalay oo khamiis aheyd lagu aasay Allaha unaxariistee meydadka 31 qof oo muwaadiniin Soomaaliyeed ahaa oo lagu duqeyay doon ay saarnaayeen 17 Marso 2017.

5/26/2017 1:46 AM EST
Jimco, May, 26, 2017 (HOL) –Madaxweynaha Jamhuuriyadda Federaalka Soomaaliya Maxamed C/laahi Maxamed (Farmaajo) iyo Boqorka dalka Qadar Emir H H Sheikh Tamim bin Hamad Al Thani, ayaa kulan guul iyo mira dhal kusoo dhamaaday ku yeeshay magaalladda Doha ee caasimada dalka Qadar, sida uu sheegay wasiirka arrimaha dibadda dalka Qadar Sheikh Mohammed bin Abdulrahman Al Thani.

5/26/2017 1:12 AM EST
Jimco, May, 26, 2017 (HOL) –Koox Bastoolado ku hubeysan ayaa xalay xaafadda Banaadir ee degmada Hodan ku dilay haweeney ganacsata ah, sida Police-ka ay sheegeen.