Ra’iisal wasaare Kheyre oo dhagax dhigay waddo muhiim ah magaalada Muqdisho
Axad, May, 28, 2017 (HOL) - Ra’iisal wasaaraha xukuumadda Soomaaliya Xassan
Cali Kheyre ayaa goor dhaw oo maanta ah dhagax dhigay jidka 30-ka oo lagu
sameynaayo dib u dayactir, waxaana uu shacabka ugu baaqay in ay ka qeyb
qaataan.
Ra’iisul wasaaaraha Soomaaliya ayaa sheegay in dhismaha wadooyinka magaalada
Muqdisho ay ka qeyb qaadanayso bilicda iyo sidoo kale xasilinta caasimadda.
Waxaa uu bulshadda Soomaaliyeed ka dalbaday in ay u istaagan dhismaha
Wadooyinka Muqdisho.
Wadada Sodanka ayaa dhexmarta degmooyinka Hodan, Warta Nabadda , iyo Yaaqshiid,
waana waddo marka la eego muhiim u ah isku socdka guud ahaanba caasimada, hasse
ahaatee muddo dheer aan dib u dayactir helin.
Waxaa sidoo kale ra’iisal wasaaraha ku wehlinayay munaasabada furintaanka
dib u dayactirka wadada 30ka guddoomiyaha maamulka gobolka Banaadir Taabit
Cabdi Maxamed.
C/raxmaan Diini, Hiiraan Online
[email protected]
