3/28/2024
Today from Hiiraan Online:  _
Wararka Maanta- Jimco, May 28, 2017
Xarumaha Xanaanada Caruurta ee Soomaalida Minnesota oo urur ku midoobay (Sawiro)


Axad, May, 28, 2017 (HOL) - Dallad ay ku bahoobeen xarumaha lagu xanaaneeyo caruurta, ayna leeyihiin qaar ka mid ah jaaliyadda Soomaaliyeed ee gobalka Minnesota ayaa dhawaan looga dhawaaqay magaalada Minneapolis.

Ururkan oo magaciisa loo soo gaabiyo MMCA, ayaa waxaa xarumaha ku bahoobay ay tiradoodu gaareysaa 76 xarun, waxaana xafladooda daahfurka ka soo qeyb galay saraakiil ka socotay Wasaaradda Arrimaha Bulshada ee gobalka Minnesota oo ururkan aqoonsaday, iyo Xildhibaan Ilhaan Cumar oo ka tirsan golaha wakiilaa ee gobalka Minnesota, oo iyaduna goobta ka sheegtay in talaabada ururka MMCA ay tahay mid muhiim u ah bulshada Soomaaliyeed ee gobalka.

Guddoomiyaha Ururka MMCA Isaaq Badawi oo xafladda daahfurka ka hadlay ayaa sheegay in ujeedadoodu ay tahay inay difaacaan xarumaha xanaanada caruurta ee ay Soomaalidu leeyihin, isla markaana ay milkiilayaasha Xarumaha ku booriyaan inay shariciga raacaan.

Isaaq badawi oo ka hadlayay waxyaabaha keena in mararka qaar la xiro xarumo ay leeyhiin Soomaalidu ayaa yiri.

“waxaad mooddaa in dowladdu xarumaha Soomaalida si ka duwan sida kuwan dadka caddaanka ah ay mararka qaar u bartilmaameedsato, taasna waxaa keeneysa xarumaha Soomaalidu leeyihiin oo iyaguna qaarkood ay musuqmaasuq iyo wax soo dhexgeliyaan meesha”

Waxaa iyana madasha ka hadashay, Ikraan Yuusuf Maxamed oo ah afhayeenk ururka MMCA, waxa ayna sheegtay inay xil way iska saari doonaan sidii ay sare ugu qaadi lahaayeen aqoonta dadka leh xarumaha.

“Waxa aan rabno waa inaan dadka xarumaha leh tababarro iyo aqoon kororsi siino, si ay sharciga u ilaaliyaan, sabab loo xirana aysan uba imaanin” ayay tiri Ikraan Yuusuf Maxamed oo intaa ku dartay inay doonayaan inay xarumaha difaacaan, qofkii diida sharciga inuu raacana ay u sheegaan inay beri ka yihiin.

Ururkan MMCA ayaa laga rejeynaa inuu noqdo urur bulshada gobalka u bilaaba tubta toosan, islamarkaana ay ku daydaan qeybaha kale ee bulshada.

Siyad Said Salah

Hiiraan Online

[email protected]

Minneapolis,Minnesota

 













Click here
5/28/2017 1:08 PM EST
Axad, May, 28, 2017 (HOL) - Wasiirka Arrimaha Gudaha ee Britain ayaa sheegtay in shirkadaha Internetka ay bilaabayaan inay noqdaan kuwo gacan wayn ka geysta dagaaka lagaga soo horjeedo argagixisada, ka dib weerarkii dhowaan ka dhacay magaalada Manchester.

5/28/2017 9:13 AM EST
Axad, May,28, 2017 (HOL)- Ra’iisal wasaaraha xukuumada Soomaaliya Xassan Cali Khayre ayaa maanta kulan gaar ah la qaatay beesha caalamka oo ujeedadiisu ahaa in uu warbixin ka siiyo xaaladda dalka, isla markaana uu ka codsaday in labada dhinacba ay la yimaadaan isla xisaabtan dhab ah oo dhameystiran.

5/28/2017 8:35 AM EST
Axad, May,28, 2017 (HOL)- Warar dheeraad ah ayaa ka soo baxaya weerar nin hubeysan uu ku qaaday dad barakacayaal ah oo gargaar loo qeybinayay degmada Caabud-waaq ee gooblka Galguduud.

5/28/2017 7:48 AM EST
Axad, May,28, 2017 (HOL)- Wasiirka wasaarrada arrimaha gudaha iyo federaalka xukuumada Soomaaliya Cabdi Faarax Juxa iyo wafdi uu hoggaaminayo ayaa waxaa ay gaareen magaalada Cadaado oo xarun KMG u ah Maamulka Galmudug.

5/28/2017 7:42 AM EST
Axad, May, 28, 2017 (HOL) -Mudanayaasha baarlamanka dowlad goboleedka Jubaland oo isugu yimid kulan aan caadi ahayn ayaa waxa ay sheegeen in ay xasaanadii ka qaadeen labada xildhibaan oo ka tirsan baaramanka.

5/28/2017 7:38 AM EST
Axad, May,28, 2017 (HOL)- Laba iyo Toban xildhibaan oo ka tirsan golaha deegaanka degmadda Saylac ayaa kal fadhi aan caadi ahayn oo ay yeesheen ku doortay Maayar cusub ka dib markii muddooyinkii u dambeeyey khilaaf hadheeyey xildhibanadaasi.

5/28/2017 4:51 AM EST
Axad, May, 28, 2017 (HOL) - Ururka ka tirsan maleeshiyaadka Islaamiga ah ee ka dagaalama gudaha waddanka Liibiya - kaas oo uu Mareykanku ku eedaynayo in uu ka dambeeyay weerrarkii 2012-kii lagu qaaday howlgalka America ee Benghazi - ayaa sheegay in ay burbureen.

5/28/2017 3:30 AM EST
Axad, May, 28, 2017 (HOL) - Ra’iisal wasaaraha xukuumadda Soomaaliya Xassan Cali Kheyre ayaa goor dhaw oo maanta ah dhagax dhigay jidka 30-ka oo lagu sameynaayo dib u dayactir, waxaana uu shacabka ugu baaqay in ay ka qeyb qaataan.

5/28/2017 3:12 AM EST
Axad, May, 28, 2017 (HOL) – Faah faahin dheeraad ah ayaa ka soo baxaya dagaal mar kale ciidamada dowladda federaalka Soomaaliya iyo Al-shabaab ku dhaxmaray deegaanka Number 50 ee gobolka Shabeellaha hoose.

5/28/2017 2:50 AM EST
Axad, May, 28, 2017 (HOL) – Ciidamada Liyuu Booliiska ee dowlad deegaanka Soomaalida Itoobiya ayaa lagu eedeeyay in ay dad shacab ah ku dileen deegaan ka tirsan gobolka Mudug oo hoostaga maamulka Galmudug.

5/28/2017 2:37 AM EST
Axad, May, 28, 2017 (HOL) - Markab sida gargaar oo gaarayso 1.700 tan ayaa waxaa uu gaaray dekedda magaalada Berbera sida ay shaaciyeen mas’uuliyin ka tirsan Soomaaliland.

5/28/2017 2:16 AM EST
Axad, May, 28, 2017 (HOL) - Dowladda Federaalka ah ee Soomaaliya ayaa maamuli doonta mashaariicda horumarineed ee Midowga Yurub uu siiyo Soomaaliya, kaddib markii wafdi ka socda Midowga Yurub la kulmeen Madaxweynaha iyo Wasiiro ka tirsan Xukuumadda.

5/28/2017 1:56 AM EST
Axad, May 28, 2017 (HOL) - Laba dayaaradood ee sharikadda Turkish Airlines ayaa saakay ka soo wada deggey garoonka Adan Cadde ee magaalada Moqdishu ka dib markii ay in muddo ah ku xayirnaayeen garoonka dayaaradaha ee magaalada Mombaassa ee dalk Kenya