Laba maxbuus oo xabsiga Burco ugu geeriyooday shuban biyood
Isniin, May, 29,
2017 (HOL) - Laba Maxbuus ayaa ugu
geeriyooday cudurka Shuban biyoodka xabsiga magaaladda Burco, halka Afar iyo
konton maxbuus u jiifaan cudurkan.
Maxaabiista
jeelka Burco ku jirta ayaa la sheegay inayn ku jiraan laba boqol iyo
toddobaadan maxbuus iyo Lix askari, waxaanu cudurka shuban biyoodku soo ritay
oo u jiifa maxaabiis lagu sheegay inay tiradoodda afar iyo konton maxbuus.
Wasaaradda
Cadaaladda Somaliland ayaa sheegtay in hadda xakameeyeen dadaal dheer ka dib
markii ay ka hawlgaleen wasaaradda caafimaadka, wasaaradda cadaaladda, xeer
ilaalinta gobolka Togdheer, ciidanka Asluubta iyo hay’adda ICRC ee bisha cas.
Wasiirudawlaha
wasaaradda Cadaaladda Khadar Axmed Diiriye ayaa sheegay in hawl-wadeenadda
caafimaadka ku hawlan yihiin sidii aanu cudurkaasi u faafin,isl amarkaana u
saamayn maxaabiista kale, waxanu intaas ku daray lagu hawlan yahay in la hakiyo
cudurkaasi ooo hadda soo ritay maxaabiis badan.
Sidoo
kale, wasaaraddu waxay sheegtay in labadan marxuum ee u geeriyooday shuban
biyoodka ee ku jiray xabsiga Burco ay xukunayeen.
“cudurkan
shuban biyoodka waxa calaamadihiisa lagu arkay sabtiddii waxaanu illaa
hadda cudurku soo ritay afar iyo konton maxbuus oo ka mid ah laba boqol iyo
todobaatan maxbuus oo ku jira xabsiga magaaladda Burco”ayuu yidhi
wasiirudawlaha Cadaaladda Khadar Axmed Diiriye.
Si
kastaba ha ahaatee, cudurkan ayaa si fudud u fididda, haddii aan degdeg
wax looga qaban waxa uu galaafan karaa nolosha maxabiis kale oo badan.
Barkhad-ladiif M. Cumar,
Hiiraan Online
[email protected]
Hargeysa, Somaliland.
