Axmed Madoobe oo khudbad saameyn badan ka jeediyay calleemo saarkii madaxweynaha Galmudug Video
Isniin, May, 29, 2017 (HOL) – Madaxweynaha
maamulka Jubbaland oo ka mid ahaa madaxdii maanta ka qeybgashay munaasabadii
calleemo saarka madaxweynaha dowlad gobolleedka Galmudug Axmed Ducaalle Geelle
Xaaf, ayaa halkaa ka jeediyay khubad saameyn badan oo dhinacyo kala duwan
taabatay.
Madaxweynaha ayaa dardaran adag u jeediyay madaxweynayaaasha dowlad
gobolleedyada Puntland iyo Galmudug oo uu kula dardaarmay in ay sida ugu
dhaqsiyaha badan u dhameeyaan colaada magaalada Gaalkacyo.
‘’ Madaxweynayaasha Puntland iyo Galmudug waxaan leeyahay arinta Gaalkacyo
jufaa u tihiin, Ehel baad u tihiin, odayaal baad u tihiin, Akhayaar baad u
tihiin, waxaan rajeynayaa in colaadaa aysan soo noq noqon doonin’’ ayuu yiri
madaxweynaha Jubbaland.
Dhinaca kale mar ka hadlay arinta Dhuusa-mareeb iyo Ahlu Sunnna
Waljameeca ayuu sheegay in madaxweynaha cusub ee Galmudug looga fadhiyo in uu u
tago dhinaca kale [Ahlu Sunna Waljameeca] tanaasullaad badanna uu sameeyo.
Mar uu soo hadal qaaday daganaasho la’aanta siyaasadeed ee ka jirta maamulka
Galmudug ayuu yiri’’ Madaxweyne Xaaf waxaa rabaa in aan kuu sheego Cadaado
joogitaan ayeey kaa rabtaa iyo lugaha in aad dhulka ku heyso, Cadaado dhibka
soo maray waxaa uu ahaa 45 berri markii ay maalmo ka dhiman tahay in la tago oo
haddana laga tago, deyn badan oo horana waa ay qabtaa, wax weyn oo magaalada
iiga muuqdana ma jiraan guryihii laga dhisay waqtigii maamulkii Ximin iyo Xeeb ayaa
wali ka dhisan Riinji unbaa lagu kordhiyay’’ ayuu yiri madaxweyne Axmed
Madoobe.
Madaxweyne Farmaajo ayuu ka dalbaday ugu danbeyntii in la furfuro nidaamka
dowladnimada oo aan Xamar oo kaliya lagu ekaan, isaga oo yiri’’ madaxweynaha
idhihiisa waxa ay qabtaan waa ciidamada Muqdisho jooga, shaqaallaha Muqdisho jooga, baarlamaanka uu arkaa waa kan Muqdisho’’ taa waxaa ay keeneysaa in uusan
madaxweynuhu ka war qabin waxa ka jira dalka intiisa kale’’ ayuu hadalkiisa
raaciyay, isaga oo kula dardaarmay in uu safaro ku tago gobollada dalka si
markaa uu ula socdo xaalada wadanka ka jirta.
C/raxmaan Diini, Hiiraan Online
[email protected]
