3/29/2024
Today from Hiiraan Online:  _
Wararka Maanta- Talaado, Oct 10, 2017
Guddoomiye ku-xigeenka labaad ee baarlamaanka Galmudug oo sheegay in uu dil ka badbaaday

 

Talaado, October,10, 2017 (HOL) –Guddoomiye ku-xigeenka Labaad ee baarlamaanka maamulka Galmudug Maxamed Aadan Maalin ayaa sheegay in uu ka badbaaday isku day dil, kaddib markii rasaas lagu furay gaari uu la socday.

Guddoomiye ku-xigeenka ayaa arrintan ku eedeeyay in uu ka danbeeyo madaxweynaha maamulka Galmudug Axmed Ducaale Geelle Xaaf oo ku amar ku bixiyay sida uu hadalka u dhigay in aysan madaxtooyada ka bixin karin.

‘’Aniga iyo dabcan madaxweyne ku-xigeenka iyo guddoomiyaha baarlamaanka xabsi ayaan ku nahay madaxtooyada, mar aan damcay in aan magaalada u baxo oo aan ka soo daneysto waxaa dhacday in rasaas leygu furay oo gaarigii aan watay Lugaha laga Banjariyay oo leygu yiri ma bixin kartid, waxaana arrimahaa oo dhan ka danbeeya madaxweynaha oo amarkaa bixiyay’’ ayuu yiri guddoomiye ku-xigeenka labaad ee baarlamaanka Galmudug.

Waxaa uu sheegay in ciidamada ku sugan madaxtooyada isugu jiraa kuwo si toos ah uga amar qaatay dowladda dhexe iyo ciidamo gaar ah ku xiran sida uu hadalka u dhigay madaxweynaha oo ah ayuu yiri kuwa amarka nagu siinaya in aanan madaxtooyada ka bixin.

Eedeynta guddoomiye ku-xigeenka labaad ee baarlamaanka Galmudug ayaa imanaya xili madaxweyne Xaaf uu ka maqan yahay magaalada Cadaado isaga oo ka mid ah madaxweynayaasha ku kulansan magaalada Kismaayo ee xarunta gobolka Jubbada hoose.

C/raxmaan Diini, Hiiraan Online
[email protected]













Click here
10/10/2017 2:58 PM EST
Talaado, October, 10, 2017 (HOL) -Madaxda dowald goboleedyada dalka ee uu shirka uga socday magaalada Kismaayo ayaa maanta dalxiis u aaday deegaanka Goobweyn oo qiyaastii 13-km dhanka waqooyi kaga beegan magaalada Kismaayo, halkaa oo ay waqti kusoo qaateen.

10/10/2017 2:31 PM EST
Talaado, October, 10, 2017 (HOL) -Weerarkan ayaa maanta gelinkii hore ciidamada nabadsugidda Jubaland ka fuliyeen deegaano ku dhow dhow magalaada Kamsuuma oo qiyaastii 90 KM dhanka waqooyi kaga beegan magaalada Kismaayo ee xarunta gobolka J/hoose.

10/10/2017 11:30 AM EST
Talaado, October, 10, 2017 (HOL) - Hoggaamiyaha mucaaradka ee Kenya Raila Odinga ayaa sheegay isaga iyo ku xigeenkiisa Kalonzo Musioka in ay ka hareen tartanka doorashada Madaxweynaha ee dhammaadka bishan.

10/10/2017 11:01 AM EST
Talaado, October, 10, 2017 (HOL) –Wasiir ku xigeenka Wasaaradda Shaqada iyo Arrimaha Bulshada Xildhibaan Cabdicasiis Saalax Carmaan ayaa kulan la yeeshay Safiirka Safaaradda dalka Qadar ee Soomaaliya Danjire Hassan Bin Hamza Asad, kulankaas ayaa ka dhacay Xarrunta Safaaradda Dalka Qadar ee Magaalada Muqdisho.

10/10/2017 8:14 AM EST
Talaado, October, 10, 2017 (HOL) – Waa dood adag oo ka dhax furantay xaaskii hore ee madaxweynaha dalka Mareykanka Ivana Trump oo sheegtay in ay tahay marwada koowaad ee dalka iyo xaaska ay hadda wada joogaan Melanie Trump oo arintaa siweyn uga careysiisay.

10/10/2017 5:52 AM EST
Talaado, October, 10, 2017 (HOL) – Koox hubeysan ayaa goor la sheegay in ay rasaas ku fureen dad ku sugnaa Jaaamacadda Farsamada (The Technical University of Mombasa) oo ku taalla Deegaanka Xeebta leh ee Kwale.

10/10/2017 3:23 AM EST
Talaado, October, 10, 2017 (HOL) – Qaybo ka mid ah gobolka California ee dalka Maraykanka ayuu ka kacay dab si xawli ah ku faafaya oo dilay ugu yaraan 10 ruux.

10/10/2017 3:01 AM EST
Talaado, October, 10, 2017 (HOL) – Saraakiisha ciidamada Kenya ayaa sheegay in howl gal ay ka sameeyeen keymaha Boni ee gudaha Kenya ay ku dileen dagaalamayaal ka tirsan Al-Shabaab.

10/10/2017 2:56 AM EST
Talaado, October, 10, 2017 (HOL) – Taliyaha Ciidanka Xoogga dalka Soomaaliyeed S/Gaas Maxamed Axmed Jimcaale Cirfiid ayaa sheegay in dhawaan uu bilaaban doono howlgal ka dhan ah Ururka Al-shabaab kaasoo looga saarayo sida uu hadalka u dhigay guud ahaanba dalka.

10/10/2017 2:43 AM EST
Talaado, October, 10, 2017 (HOL) – Gudoomiye ku-xigeenka dhinaca amniga ee maamulka gobolka Shabeellaha hoosee Cali Nuure Maxamed ayaa sheegay in Afar ka tirsan dagaalamayaasha Al-shabaab shalay gelinkii dambe lagu dilay wadada xiriirisa deegaanka Xaawo Cabdi iyo Laanta Buuro.

10/10/2017 2:29 AM EST
Talaado, October, 10, 2017 (HOL) – Waxaa maanta la filayaan in magaalada Kismaayo lagu soo gabagabeeyo shirka halkaa labadii cisho ee la soo dhaafay uga socday madaxda dowlad gobolleedyada.