3/29/2024
Today from Hiiraan Online:  _
Wararka Maanta- Isniin, Oct 14, 2017
Gudoomiyaha Gobolka Banaadir oo Bilaabay Olole dadka Qaraxa ku waxyeeloobay Dhiig-ga loogu Shubayo, dalbadayna Gurmad


Sabti, October, 14, 2017 (HOL)–Guddoomiyaha Gobolka Banaadir Thaabit Cabdi Maxamed oo tagay halka uu ka dhacay Qaraxii xoogaana ee gil-gilay Magaalada Muqdisho ayaa ku dhawaaqay xaalad deg deg ah.

Guddoomiyaha Gobolka Banaadir ayaa wixii dhacay ku tilmaamay musiibo, isagoo dalbaday in si deg ah loo soo gaaro dadka waxyeelada gaartay.

" Intii dhimatay Alla Ha'unaxariisto, laakiin dadka somaaliyeed gaar ahaan dadka Muqdisho ku nool waxaan ka dalbanaya qof walbo in uu soo gaaro meeshan oo kaalin ka qaato, gurmad deg deg ah baa loo baahanyahay, wax alla waxaa itaal iyo agab heynay waa isugu keenay.

Waxaan codsaneynaa Hay'addaha amnigana waa in dariiqa lagu dhibin, cid walba oo maanta haysata baale ama cagacagaf ama dab damis waa in ay meeshan soo gaaraan, qofkasto awood leh ama dhakhtar ah meeshan ha soo gaaro.

Gudoomiyaha ayaa sidoo kale bilaabay olole balaaran oo dad weynaha magaalada ay ka qayb-galayaan ,kaasi oo dhiig loogu shubayo shacabka ku waxyeeloobay qaraxa ka dhacay magaalada.

Waxaa ka dhacay Masiibo, dad ayaa ku jira Dhisme Hoostiis Fadlan qofkasta ha nasoo gaaro". ayuu yiri gudoomiyaha oo dadweynaha kala hadlay baraha bulshada.

Ugu danbayn, Qaraxan ayaa ilaa hadda inta la xaqiijiyay waxaa ku dhintay tiro gaaraysa sodomeeyo ,waxaana ku dhaawacmay tiro intaas ka badan ,waxaana lala beegsaday Isgoyska Soobe oo la sheegay in dadweyne badan ay ku sugnaayeen.

Mustafe Husein
[email protected]












Click here
10/14/2017 9:15 AM EST
Sabti, October, 14, 2017 (HOL)–Iyadoo wali ay adag tahay in dhab ahaan la ogaado tirada ramiga ah dadka ku dhintay qaraxii maanta ka dhacay magaalada Muqdisho ayaa warar hor dhac ah oo soo baxaya waxaa ay sheegayaan in tirada dhimashada ay hadda kor u sii dhaafeyso 30 ruux

10/14/2017 8:47 AM EST
Sabti, October, 14, 2017 (HOL) – Qarax oo ahaa mid siweyn looga dareemay caasimada ayaa ka dhacay meel aan wax badan ka fogeyn Isgooyska Zoobe ee magaalada Muqdisho.

10/14/2017 8:22 AM EST
Sabti, Octobar,14, 2017 (HOL)- Afhayeenka Ciidanka Booliska Somaliland, Gaashaanle Sare, Faysal Xiis Cilmi, ayaa shaaciyay inay sagaal eedaysane ay u hayaan afar bas oo dhawaan lagu gubay magaalada Hargeysa oo la garan waayey cid gubtay, iyadoo gubanaya uun la arkay.

10/14/2017 7:52 AM EST
Sabti, October, 14, 2017 (HOL) – Diyaarad ayaa ku burburtay badda Ivory Coast waxyar un kaddib markii ay ka kacday gagida caalamiga ah ee diyaaradaha ee magaalada Abidjan, iyadoo wararkuna ay sheegayaan in dhowr qof ay dhinteen kuwo kalana ay dhaawacmeen.

10/14/2017 7:30 AM EST
Sabti, October, 14, 2017 (HOL) – Xildhibaannada golaha shacabka ee Baarlamaanka Federaalka ayaa maanta ansixiyay heshiiska maxaabiis isu celinta ee dhex maray Soomaaliya iyo Hindiya, kaasoo ay soo saxiixday Wasaaradda Arrimaha dibadda Xukuumadda Soomaaliya.

10/14/2017 7:24 AM EST
Sabti, Octobar,14, 2017 (HOL)- Gudoomiyaha xisbiga mucaaradka ah ee UCID Eng:Faysal Cali Waraabe ayaa ka digay saldhiga Militari ee Turkigu ka dhistay magaaladda Muqdisho ee Soomaaliya, waxaanay sheegay in saldhigaasi khatar ku yahay geeska afrika.

10/14/2017 5:55 AM EST
Sabti, October, 14, 2017 (HOL) – Xoogagga Al-shabaab ayaa dib ula wareegay gacan ku heynta deegaanka Barriire ee gobolka Shabeellaha kaddib markii ay halkaa isaga baxeen ciidamadii dowladda.

10/14/2017 3:50 AM EST
Sabti, October, 14, 2017 (HOL) -- Shan arday iyo nin waardiye ahaa ayaa toogasho lagu dilay iskuul ku yaal meel u dhaw xadka Kenya ay la wadaagto Koonfurta Suudaan sida ay xaqiijiyeen warbaahinta dalka Kenya.

10/14/2017 1:47 AM EST
Sabti, October, 14, 2017 (HOL) – Ciidamada dowladda Soomaaliya ayaa lagu waramayaa in subaxnimadii hore ee saakay isaga baxeen deegaanka Barriire re ee Gobolka Shabeellaha Hoose.

10/14/2017 1:27 AM EST
Sabti, October, 14, 2017 (HOL) – Xildhibaannada gollaha shacabka ayaa lagu wadaa in ay manta yeeshaan fadhigoodii caadiga ahaa kaa looga hadli doono qodobo dhowr ah oo ay ka mid yihiin heshiisyo dowladdu gashay.

10/14/2017 1:17 AM EST
Sabti, October, 14, 2017 (HOL) – Guddoomiyaha gobolka Nuugaal ee dowlad gobolleedka Puntland Cumar Cabdullaahi Faraweyne ayaa faah faahin dheeraad ah ka bixiyay siyaasiyiin lagu xiray magaalada Garoowe.