3/29/2024
Today from Hiiraan Online:  _
Wararka Maanta- Isniin, Oct 16, 2017
Mukhtaar Rooboow ‘’ Waa la garanayaa cidda waxan ka danbeysa, waxaan leeyahay ka jooga

 

Isniin, October, 16, 2017 (HOL) - Mukhtaar Rooboow Cali Abuu-Mansuur oo shir jaraa’id ku qabtay xarunta gurmadka Qaran ayaa ku eedeeyay qaraxii Sabtidii ka dhacay magaalada Muqdisho in ay ka danbeeyaan kooxda Al-shabaab, inkastoo Al-shabaab aysan sheegan mas’uuliyada Qaraxan.

Mukhtaar Rooboow ayaa wax laga xumaado ku tilmaamay weerarkii Ismiidaamin ah oo sida uu hadalka u dhigay meel aan ka waafaqsaneyn shareecada Islaamka.

‘’Waxa halka ka dhacay Diinna ma wafaaqsana, Caqliga fiyowna ma waafaqsan, xitaaa qof walaan sidan oo kale uma fikiro, marka Cidda ka danbeysa waa la yaqaanaa, waxaan leeyahay Towbada waa ay furan tahay Alle u soo noqda, Cidda aan ka hadlayo waa Al-shabaab’’ ayuu yiri Mukhtaar Rooboow.

Waxaa uu sheegay in muddo Toban sano ka hor arrimaha noocan oo kale ah kala doodeen hogaamiyayaasha Al-shabaab qaarkood, laakiin waxaa uu sheegay in aan laga aqbalin soo jeedintoodii aheyd in shacabka la nabad-galyo oo aan la baneysan dhiigooda iyo maalkooda.

‘’Annaga Toban sano ka hor ayaan kala hadalnay oo aan isku khilaafnay hogaamiyayaasha Al-shabaab in shacabka la nabadgalyo oo aan dhiigooda iyo maalkooda la baneysan, laakiin waa nalaga diiday’’ ayuu yiri Mukhtaar.

Mukhtaar Rooboow ayaa maanta dhiig ugu deeqay dadkii ay wax yeellada ka soo gaartay qaraxii ka dhacay Isgoyska Zoobe.

C/raxmaan Diini, Hiiraan Online 
[email protected]













Click here
10/16/2017 9:34 AM EST
Isniin, Octobar,16, 2017 (HOL)- Xukuumadda Somaliland ayaa shacabkii waxyeeladdu ka soo gaadhay qaraxii ka dhacay Muqdisho ka tacsiyadaysay eheladii iyo dadkii ku geeriyooday.

10/16/2017 7:29 AM EST
Isniin, October, 16, 2017 (HOL) - Mukhtaar Rooboow Cali Abuu Mansuur oo mar soo noqday ku-xigeenka hogaamiyaha Ururka Al-shabaab, laakiin sheegay in uu isaga baxay kooxda, ayaa maanta Dhiig ugu deeqday dadkii ku dhaawacmay Qaraxii Sabtidii ka dhacay Isgoyska.

10/16/2017 7:11 AM EST
Isniin, October, 16, 2017 (HOL) - Wararka ka imanaya gobolka Shabeellaha dhexe ayaa sheegaya in dagaal xoog leh oo leysku adeegsanayo hubka noocyadiisa kala duwan ka qarxay deegaan u dhexeeya degmada Balcad iyo Afgo0ye.

10/16/2017 5:53 AM EST
Isniin, October, 16, 2017 (HOL) – Madaxweynaha dowladda Somaaliya ayaa maanta booqday xarunta Gurmad Qaran oo loogu talagalay samatabixinta dadkii ay dhibaatadu ka soo gaartay qaraxii Zoobe ka dhacay 14kii bishan.

10/16/2017 3:24 AM EST
Isniin, October, 16, 2017 (HOL) – Diyaarad militari oo laga leeyahay Turkiga ayaa goor dhaw garoonka diyaaradaha Aadan Cadde ee magaalada Muqdisho ka qaaday qaar ka mid ah dadkii ku dhaawacmay Qaraxii Muqdisho kuwaa oo dalka waxba looga qaban waayay xaaladooda caafimaad.

10/16/2017 3:05 AM EST
Isniin, October, 16, 2017 (HOL) – Diyaarad ay leedahay shirkadda diyaaradaha ee AirAsia oo ku sii jeeday Indonesia ayaa ku qasbanaatay in ay dib ugu laabato Australia ka dib markii ay duuliyeyaashu sheegeen in ay cilad soo wajahday, sida ay saraakiisha garoomadu sheegeen.

10/16/2017 2:59 AM EST
Isniin, October, 16, 2017 (HOL) – Mashaqadii ka dhacday 14kii bishan Isgoyska Zoobe ee magaalada Muqdisho ayaa sababtay in wali qoysaska qaar raadinayaan dad ay Ehel iyo qaraabo dhaw yihiin oo aan war iyo wacaal loo heynin halkii ay ku danbeeyeen.

10/16/2017 2:37 AM EST
Isniin, October, 16, 2017 (HOL) – Waxaa goor dhaw ka soo degtay garoonka diyaaradaha magaalada Muqdisho diyaarad siday wasiirka caafimaadka Turkiga Ahmet Demircan iyo koox dhaqaatiir ah oo la soctay.

10/16/2017 2:14 AM EST
Isniin, October, 16, 2017 (HOL) -- Ra’iisul wasaaraha xukuumadda Soomaaliya Xassan Cali Khayre ayaa xalay kormeer ku tagey goobtii uu ka dhacay qaraxii galaaftay nolasha dad badan oo Soomaali ah magaalada Muqdisho.

10/16/2017 12:23 AM EST
Isniin, October, 16, 2017 (HOL) –Saacadaha soo socda ayaa la filayaa in magaalada Muqdisho ay soo gaarto diyaarad caafimaad oo dowladda Turkiga u soo dirtay in lagu qaado dadka qaba dhaawacyada culus ee wax looga qaban waayay gudaha dalka ee wax yeeladu ka soo gaartay qaraxii ka dhacay Sabtidii Isgoyska Zoobe.

10/16/2017 12:10 AM EST
Isniin, October, 16, 2017 (HOL) – War xalay ka soo baxay dowladda Soomaaliya ayaa lagu shaaciyay tirada rasmiga ah dadkii ku dhintay iyo kuwii ku dhaawacmay qaraxii lagu hoobtay ee maalin ka horka dhacay magaalada Muqdisho, gaar ahaan Isgoyska Zoobe ee KM5.