Howlihii garoonka diyaaradaha Aadan Cadde oo dib u bilaawday
Talaado, May, 30, 2017 (HOL) - Waxaa
dib u bilaawday duulimaayadii garoonka diyaaradaha magaalada Muqdisho oo ay
maanta ku bur burtay mid ka mid ah diyaaradaha shirkada Shirkada Bancraft oo ka
soo duushay dalka Uganda.
Maareeyaha ku-xigeenka hay’adda saadaasha hawada Axmed Macalin Xasan ayaa sheegay in
diyaarada ay kasoo duushay garoonka diyaaradaha ee Entebe ee dalka Uganda, waxaana
ay waday Cargo, sida uu hadalka u dhigay.
Diyaarada oo markii hore la sheegay in ay lugaha u bixi waayeen ayaa markii
danbe si qalad ah ugu degtay garoonka taasoo keentay in ay ku dhacdo dhabaha ay
diyaaradaha ku ordaan ee garoonka, iyadoo halkaa uu dab ku qabsaday, waxaana
daminta dabka qabsaday diyaaradaha ka qeyb qaatay gadiidka dabdamiska ah.
Diyaaradii ku burburtay wadada diyaaradaha adeegsadaan ayaa laga qaaday
goobta, sidda ay sheegeen dad ku sugan garoonka.
Masuuliyiinta garoonka diyaaradaha ayaa sheegay in hadda xaalada ay caadi
kusoo noqotay islamarkaana dib ay u bilowdeen howlihii garoonka ka socday.
C/raxmaan Diini,
Hiiraan Online
[email protected]