2/27/2024
Today from Hiiraan Online:  _
Wararka Maanta- Khamiis, Feb 2 , 2023
Madaxweynaha Galmudug oo Mareykanka kala hadlay xoojinta howlgalada ka dhanka ah Kooxda Al-shabaab
 

Khamiis, February, 2, 2023 (HOL) - Madaxweynaha maamul goboleedka Galmudug Axmed Cabdi Kaariye Qoorqoor ayaa kulan la qaatay saraakiil ka tirsan taliska ciidamada Mareykanka ee AFRICOM ee ku sugan Xeebaha magaalada Hobyo ee gobolka Mudug.

Madaxweyne Qoorqoor ayaa la sheegay inuu kala hadlay saraakiisha Ameerikaanka ah howlgalada ka dhanka ah Kooxda Al-shabaab, islamarkaana uu ka codsaday saraakiisha AFRICOM iney laba jibaaraan taageeradooda ku aadan howlgalada dhinaca cirka iyo dhulka ah ee lagu beegsanaayo Ururka Al-shabaab.

Madaxwaynaha Galmudug ayaa sidoo kale  Taliska AFRICOM ka dalbaday in Galmudug ay kala shaqeeyaan dib u soo kabsashada dadka deegaanka ee dhibaatooyinka ay u gaysteen kooxda Shabaab, sidii loogu samayn lahaa adeegyada bulshada ee Biyaha, Caafimaad, Waxbarshada oo horay kooxda u burburisay.

Saraakiisha Taliska AFRICOM ayaa dhankooda balan qaaday inay joogteyn doonaan howlgaladda ka dhanka ah Shabaab, iyagoona ka mahadceliyay wada shaqaynta ciidamada xoogga dalka iyo kuwa daraawiishta maamulka Galmudug kala dhexeysa.

Taliska Maraykanka ee AFRICOM ayaa ka mid ah saaxiibada dowladda Soomaaliyeed ka taageera la dagaalanka Al-shabaab iyo horumarinta adeegyada Bulshada meelaha laga saaro kooxda.

Deegaanada Galmudug waxaa haatan ka socda howlgalo ka dhanka ah Al-shabaab, iyadoona howlgaladaasi Shabaab looga saaray inta badan deegaano iyo degmooyin muhiim ah oo ay ka talin jireen in ka badan 10 sano.












Click here
2/2/2023 9:10 AM EST
Khamiis, February, 2, 2023 (HOL) - Isimada gobolka Sool iyo qaybo kamid ah Sanaag iyo Cayn, ee shirku Laascaanood uga socdo, ayaa sheegay in anay aqbalayn dhexdhexaadin madaxweynaha Jabuuti.

2/2/2023 6:38 AM EST
Khamiis, February, 2, 2023 (HOL) - Soomaaliya iyo Koonfurta Sudan ayaa ah dalalka ugu musuq-maasuqa badan caalamka, sida lagu sheegay qiimeyntii ugu dambeysay ee ay soo saartay hay'adda Transparency International (TI).

2/2/2023 6:11 AM EST
Khamiis, February, 2, 2023 (HOL) - Wasiirka Arrimaha Guddaha Somaliland Maxamed Kaahin Axmed, ayaa sheegay in xukuumadu anay ogolaaynayn in nabadgalyada Laascaanood ay khal-khal gasho.

2/2/2023 4:40 AM EST
Khamiis, February, 2, 2023 (HOL) -Wasiirka Warfaafinta Somaliland Saleebaan Yuusuf Cali Koore, ayaa sheegay in ciidanka magaalada Laascaanood looga saaray si anay dadku u dareemin cabudhin.

2/2/2023 3:09 AM EST
Khamiis, February, 2, 2023 (HOL) - Urur goboleedka IGAD ayaa madaxweynaha Jabuuti Ismaaciil Cumar Geelle ku amaanay, dadaalo dhexdhexaadineed oo uu ka wado xiisada ka taagan Laascaanood.

2/2/2023 1:31 AM EST
Khamiis, February, 2, 2023 (HOL) - Maxkamadda ciidamada qalabka sida ee Soomaaliya ayaa Maanta oo Khamiis ah xukun dil toogasho ah ku fulisay afar askari oo ka tirsana ciidamada dowladda Soomaaliya.

2/2/2023 1:09 AM EST
Khamiis, February, 2, 2023 (HOL) - Madaxweynaha dalka Kenya William Ruto ayaa sheegay in dagaalka lagula jiro argagixisada Geeska Afrika uu u baahan yahay dadaal wadajir ah.