2/27/2024
Today from Hiiraan Online:  _
Wararka Maanta- Sabti, Feb 4 , 2023
Maamulka Jubbaland oo sheegay in howlgal qorsheysan lagu dilay saraakiil iyo xubno ka tirsan Al-shabaab
 

Sabti, February, 4, 2023 (HOL) - Warar dheeraad ah ayaa kasoo baxaya howgalo qorsheysan oo ay Maanta ciidamada xoogga dalka Soomaaliya iyo kuwa maamul goboleedka Jubbaland ka sameyeen deegaano ka tirsan gobolka Jubbada Hoose.

Ciidamada dowladda iyo kuwa Jubbaland ayaa howlgalada ka sameeyay deegaanada kala ah Qalowlaha iyo Sooyaa oo ka mid ah deegaanada hoostaga degmada Afmadoow ee gobolka Jubbada Hoose.

Howlgalada ayaa la sheegay in ciidamada ay ku dileen afar xubnood oo ka mid ahaa dagaalamayaasha kooxda Shabaab oo uu ka mid ahaa horjoogahii Al-shabaab u qaabilsanaa deegaanka Janaa Cabdale iyo deegaanada ku dhadhaw, kaasoo magaciisa lagu soo koobay Xasan Cadde.

Afhayeenka Howlgalada ciidanka Jubbaland Maxamed Faarax Daahir oo la hadlay Talefeshinka Jubbaland ayaa xaqiijiyey in howlgalka lagu dilay xubnahaan ka tirsan Shabaab, islamarkaana lagu burburiyey goobo fariisimo u ahaa Ururka Al-shabaaab.












Click here
2/4/2023 5:05 AM EST
Sabti, February, 4, 2023 (HOL) - Taliska ciidamada Midowga Afrika ee ATMIS ayaa sheegay inay ka xun yihiin dil askari katirsan ciidankooda uu ka geystay Isgoyska Ceelgaabta ee magaalada Muqdisho.

2/4/2023 2:02 AM EST
Sabti, February, 4, 2023 (HOL) - Madaxweynaha dowlad degaanka Soomaalida Mustafe Cagjar ayaa qoraal uusoo dhigay barta uu ku leeyahay Facebook, waxa uu kaga hadlay arrimo maalmahan ka taagnaa gudaha dowlad degaanka Soomaalida, kuna saabsanaa Saxaafadda iyo tallaabooyin ay dowladsiisu ka qaaday qaar kamid ah Saxaafadda ka howlgasha degaanka Soomaalida.

2/4/2023 1:56 AM EST
Sabti, February, 4, 2023 (HOL) - Dowladda Kenya ayaa shaacisay inuu gabagabo marayo qorshe ay dib ugu fureyso xaduuda Mandhera ay kala wadaagto Soomaaliya, islamarkaana qeyb ka ah dadaalada lagu hagaajinaayo amaanka xaduuda iyo la dagaalanka badeecooyinka koontarabaanka ah.

2/4/2023 12:36 AM EST
Sabti, February, 4, 2023 (HOL) - Dilka sarkaal sare oo ka tirsanaa kooxda Daacish oo ku dhawaad labo todobaad ka hor ay ciidamada Mareykanka ku dileen buuralayda gobolka Bari ee Puntland, ayaa tooshka ku ifiyay shabakad maaliyadeed oo ka jirta Geeska Afrika sida uu sheegay sirdoonka Maraykanka.

2/4/2023 12:20 AM EST
Sabti, February, 4, 2023 (HOL) - Ra'iisal Wasaaraha Itoobiya ayaa muddo labo sano ah kaddib markii u horreysay waxa uu la kulmay madaxda u sarreysa ee TPLF, kulankan waxaa ku wehelinayay masuuliyiin sare oo kamid ah xukuumadda Ra'iisal Wasaare Abiyi Axmed.