2/21/2024
Today from Hiiraan Online:  _
Wararka Maanta- Axad, Feb 5 , 2023
Banaanbaxyo ka dhacay degmada Ceel-afwayn kadib dil loo gaystay qof shacab ah
 

Axad, February, 5, 2023 (HOL) - Dadwayne cadhaysan ayaa saaka iskugu soo baxay wadooyinka  degmada Ceel-afwayn ee gobolka Sanaag ee Somaliland, kadib dil ay ciidamada booliisku u gaysteen qof shacab ah.

Ciidamada sida gaar ah u tababaran ee RRU-da ayaa goob magaalada u dhaw ku dilay muwaadin la odhan jiray Abokor Cumar Cali, hadaba booliisku wax faah faafaahin ah kama bixin sababta keentay dhimashada muwaadinkan.

Dadwaynaha isku soo baxay ayaa taayiro ku gubay wadooyinka waa wayn iyadoo qaar koodna ay siteen calanka buluuga ah ee Soomaaliya, inta kadibna ciidamada booliiska ayaa rasaas ku  kala dareeriyay mudoharaadayaasha.

Xildhibaanada Golaha Wakiilada Somaliland deegaankan kasoo jeeda ayaa xukuumada ugu baaqay in ay wax ka qabato dilalka ciidamadu gaystaan oo marar kala duwan soo noqnoqday.

"Waxa na daashaday in ay yidhaahdaan baadhitaan ayaanu samaynaynaa, oo waxba anay kasoo baxaynin, anagu saaka waxaanu u taaganahay cadaalad ayaanu ka sugaynaa dowlada" Xildhibaan Iid  Xidig ayaa sida yidhi.

Dadwaynaha mudaharaadaya iyo xildhibaanada ayaa sheegay in 4 qof deegaankan lagu dilay mudooyinkii ugu danbeeyay, dadwaynaha ayaa si gaara dilalka ugu eedeeyay badhasaabka gobolka Saanaag "Arrintaasi badhasaabka ayay dul taalaa cidi lama ogayn, arrinta shicibku ka kacay".

Abdilahi Geel-maal, Hiiraan Online
[email protected]












Click here
2/5/2023 10:15 AM EST
Axad, February, 5, 2023 (HOL) - Raysal Wasaaraha Xukuumada Fedaraalka Soomaaliya Xamse Cabdi Barre ayaa Maanta xafiiskiisa ku qaabilay wafdi ka socda Baanka Adduunka oo ay hoggaamineysay Madaxweyne Ku Xigeenka u qaabilsan Bariga iyo Koonfurta Afrika Victoria Kwakwa.

2/5/2023 9:38 AM EST
Axad, February, 5, 2023 (HOL) - Qaar kamid ah Mucaaradka dowlad degaanka Soomaalida ayaa dhaliilo u badan dhanka Saxaafadda usoo jeediyay Xukuumadda dowlad degaanka Soomaalida.

2/5/2023 7:25 AM EST
Axad, February, 5, 2023 (HOL) - Cabdirashiid Cali Xiiray "Abeesa Dhuuni" oo ahaa sarkaal ciidan oo horjooge u ahaa ciidamo si iskood ah qoriga ugu qaatay si ay Alshabaab uga xoreeyaan gobolka Sanaag ayaa qarax miino lagu dilay.

2/5/2023 5:38 AM EST
Axad, February, 5, 2023 (HOL) - Sharci-dajiyayaasha Soomaali-Mareykan ee ku sugan gobolka Minnesota ee dalka Mareykanka, ayaa cambaareeyay tallaabada Ilhaan Cumar looga saaray xubinimadii guddiga arrimaha dibadda ee Koongareeska.

2/5/2023 3:33 AM EST
Axad, February, 5, 2023 (HOL) - Odayaal iyo waxgarad kasoo kala jeeda beelaha reer xaaji saleebaan iyo Sacad oo ka wada tirsan Beesha Habargidir ayaa siyaabo kala duwan uga hadlay maamul u sameynta degmada Hobyo ee gobolka Mudug.

2/5/2023 12:11 AM EST
Axad, February, 5, 2023 (HOL) - War murtiyeed kasoo baxay shirkii dib u heshiisiinta Koonfur Galbeed ayaa heshiis looga gaaray khikaafkii xooganaa ee ka dhashay doorashada maamulkaas.

2/5/2023 12:05 AM EST
Axad, February, 5, 2023 (HOL) - Khilaafka siyaasadeed ee arrimaha doorashada Puntland ayaa lugaha la galay ciidamada, kaddib markii xalay sarkaal katirsan ciidamada uu ka horyimid diiwaan galinta doorashada qof iyo cod.