3/29/2024
Today from Hiiraan Online:  _
Wararka Maanta- Isniin, Feb 6 , 2023
Duulimaadyadii garoonka diyaaradaha Ugaas Khaliif ee magaalada Baledweyne oo la hakiyay
 

Isniin, February, 6, 2023 (HOL) - Wasiirka Wasaarada Gaadiidka iyo Duulista Hawada maamulka Hirshabeelle Muuse Salaad Wehliye ayaa soo saaray amar lagu  hakinaayo duulimaadyada diyaaradaha sida maalin laha ah uga dagi jiray garoonka diyaaradaha Ugaas Khaliif ee magaalada Baledweyne.

War qoraal oo kasoo baxay Xafiiska Wasaaradda Gaadiidka iyo Duulista Hawada maamulka Hirshabeelle ayaa lagu sheegay in hakinta duulimaadyada diyaaradaha garoonka Baledweyne ay la xariirto dib u dayactir lagu sameynayo garoonka oo socon doonta mudo hal todobaad ah oo ka bilaabaneysa Maanta oo Isniin ah, islamarkaana ku eg Isniinta dambe.

Maalin ka hor ayay aheyd markii Baledweyne ay soo gaareen wafdi ay hoggaamineysay Wasiirka Wasaaradda Gaadiidka iyo Duulista Hawada Xukuumadda Fedaraalka Soomaaliya Fardowsa Cismaan Cigaal, kuwaas oo Baledweyne u yimid qiimeynta dhismaha garoonka diyaaradaha Ugaas Khaliif ee magaalada Baledweyne.

Wasiiradda iyo wafdigii la socday ayaana kormeeray qeybaha uu ka kooban yahay garoonka diyaaradaha Ugaas Khaliif, waxayna sheegtay in burburka ka muuqda qeybta diyaaradaha ku ordaan awgiis halis ugu jiro garoonka in uu xirmo, iyadoona balan qaaday in maalmo kadib wajiga koobaad ee dhismaha garoonka uu bilaaban doono, lana hakin doono dhamaan duulimaadyada diyaaradaha.

Garoonka diyaaradaha Baledweyne oo ka mid ah garoomada ugu duulimaadyada badan Soomaaliya ayaa sanad walba xirma marka la gaaro xili roobaadka, maadama garoonka ay dhex fariistaan biyaha roobka, hayeeshee lama oga waxa uu ka badali doono dhismahaan ay haatan hormuudka ka tahay dowladda Soomaaliya ee lagu dayactiraayo garoonka Ugaas Khaliif ee magaalada Baledweyne.

Hoos ka akhriso Qoraalka kasoo baxay Wasaaradda Gaadiidka iyo Duulista Hawada Hirshabeelle:-
















Click here
2/6/2023 3:57 PM EST
Isniin, February, 6, 2023 (HOL) - Xukuumada Somaliland ayaa sheegtay in ay rabto in wadahadal lagu dhameeyo xasarada Laascaanood, sidookal waxay sheegtay in ay argagixiso Laascaanood kula dagaalamayso.

2/6/2023 12:28 PM EST
Isniin, February, 6, 2023 (HOL) - Garaadka guud ee beelaha gobolka Sool iyo qaybo kamid ah Sanaag iyo Cayn, ayaa ciidamada Somaliland ku eedeeyay in ay madaafiic cul-culus ku garaaceen Laascaanood.

2/6/2023 9:51 AM EST
Isniin, February, 6, 2023 (HOL) - Wasiirka Wasaaradda Gaadiidka iyo Duulista Hawada Xukuumadda Fedaraalka Soomaaliya Fardowsa Cismaan Cigaal oo ay wehlinayeen Safiirka dowladda Soomaaliya ee dalka Kenya iyo maareeyaha Hay'adda Duulista rayidka Soomaaliya ayaa Kulan la qaatay Madaxweyne ku xigeenka hay'adda duulimaadyada Caalamiga ee IATA.

2/6/2023 8:31 AM EST
Isniin, February, 6, 2023 (HOL) - Madaxweynaha dowladda Fedaraalka Soomaaliya Xasan Sheekh Maxamuud ayaa tacsi u diray dowladda iyo shacabka dalka Turkiga oo la dhibaatoonaya dhul gariir baaxad leh oo khasaare badan geystay oo ka dhacay wadanka Turkiga.

2/6/2023 8:26 AM EST
Isniin, February, 6, 2023 (HOL) - Madaxweyne ku xigeenka Puntland, Axmed Karaash ayaa si buuxda u soo dhoweeyay go’aamadii ay soo saareen isimada dhaqanka iyo waxgaradka kale ee deegaanada SSC, kaas oo ay kaga tashanayaan aayahooda, isagoo sheegay inay ku garab taagan yihiin ka Puntland ahaan.

2/6/2023 8:08 AM EST
Isniin, February, 6, 2023 (HOL) - Dagaalka ka socda magaalada Laascaanood ee u dhaxeeya ciidamada Somaliland iyo kuwa deegaanka SSC ayaa geystay khasaare dhimasho iyo dhaawac leh oo soo gaaray dadka shacabka ah, marka laga tago dhinacyada dagaaalamaya.

2/6/2023 6:30 AM EST
Isniin, February, 6, 2023 (HOL) - Dhulgariir xooggan oo cabirkiisa lagu qiyaasay 7.7 ayaa ku dhuftay gobolka koonfureed ee Kahramanmaraş, kaas oo galaaftay nolosha ugu yaraan 1912 qof, waxaana ku dhaawacmay 5,385 kale.

2/6/2023 5:26 AM EST
Isniin, February, 6, 2023 (HOL) - Xukuumada Somaliland ayaa sheegtay in ciidamo tikniko wata ay ciidamada Somaliland weerareen, lakiin ay ciidamadu kaliya is difaaceen, xeryahoodiina anay ka bixin.

2/6/2023 4:34 AM EST
Isniin, February, 6, 2023 (HOL) - Xisbiga mucaaradka Somaliland ee Waddani, ayaa xukuumada iyo garaadada Laascaanood ugu baaqay in la is dajiyo oo nabadgalyada la ilaaliyo.

2/6/2023 3:43 AM EST
Isniin, February, 6, 2023 (HOL) - Madaxweynaha dalka Ciraaq Laif Rashiid ayaa casuumaad rasmi ah ka helay dhiggiisa Soomaaliya Xasan Sheekh Maxamuud, sida lagu sheegay war kasoo baxay madaxtooyada Iraq.

2/6/2023 2:39 AM EST
Isniin, February, 6, 2023 (HOL) - Garaadka Guud ee beelaha daga gobolka Sool iyo qaybo kamid ah Sanaag iyo Cayn, ayaa shacabka ugu baaqay in is difaacaan oo ay la dagaalamaan Ciidamada Somaliland.

2/6/2023 1:34 AM EST
Isniin, February, 6, 2023 (HOL) - Baaq ayaa kasoo baxay shirkii magaalada laascaanood uga socday Isimada gobolada SSC, iyagoo ku dhawaaqay go'aano culus.

2/6/2023 12:43 AM EST
Isniin, February, 6, 2023 (HOL) - Xiisado kacsanaan ah ayaa laga dareemayaa magaalada Garowe, kadib markii ciidamo maleyshiyo beeleed ah oo kasoo horjeeda isdiiwaan galinta doorashada qof iyo cod ay dhaqdhaqaaqyo ciidan ka bilaabeen gudaha magaalada Garowe.

2/6/2023 12:32 AM EST
Isniin, February, 6, 2023 (HOL) - Kooxo hubaysan ayaa weeraray fadhiisimada ciidamada Somaliland ee Laascaanood iyo hoteelka golaha wasiiradu ka daganyihiin magaalada, sida xukuumadu sheegtay.