Axad, June 24, 2012 (HOL) — Kooxo hubeysan ayaa xalay ku toogtay goob lagu fiirsanayay ciyaar ka tirsan horyaalka kubadda cagta ee Yurub oo u dhexeysay Faransiiska iyo Spain xeer ilaaliyihii maxkamadda gobolka Sool ee Somaliland, Axmed Maxamed Xaaji Cali.
Xeer ilaaliyaha ayaa waxaa lagu dilay rasaasta bastooladda isagoo isla goobta ku dhintay, waxayna ciidamada Somaliland isla xalay qabteen ruux ay sheegeen inuu ka mid ahaa kooxihii dilka xeer ilaaliyaha geystay.
"Waxaa socda baaritaanno dheeraad ah oo lagu ogaanayo kooxihii dilka geystay," ayuu yiri guddoomiyaha degmada Laascaanood ee Somaliland, Maxamuud Cali Geelle oo saxaafadda la hadlay. Wuxuuna hadalkiisa ku daray, isagoo sheegay in markii ay u dhammaadaan baaritaannadu ay bixin doonaan faahfaahinno dhaaraad ah.
Ma jirto cid sheegatay inay mas'uul ka tahay dilka marxuumka, isagoo noqnaya mas'uulkii lixaad oo laga dilo hay'adaha garsoorka Somaliland ee ka howgala degmada Laascaanood ee gobolka Sool.
Gobolka Sool, gaar ahaan degmada Laascaanood ayaa ka mid ah goobaha ay isku hayaan Somaliland iyo Puntland, waxaana dhowr jeer ka dhacay dilal loo geysatay mas'uuliyiin ka tirsan Somaliland, kuwaasoo aanay jirin cid sheegatay mas'uuliyaddooda.
Xaaladda degmada ayaa saakay daggan, iyadoo lagu arkayo gudaha degmadaas ciidammo booliis ah oo baaritaanno sameynaya, halka dadweynuhuna ay aad u hadal hayaan dilkii xalay dhacay.
Maxamed Xaaji Xuseen, Hiiraan Online
[email protected]
Muqdisho, Soomaaliya
Kooxo hubeysan oo Xeer ilaaliyihii Maxkamadda Gobolka Sool ee Somaliland xalay ku toogtay Magaalada Laascaanood
More News
- Masar oo yeelatay madaxweynihii ugu horreeyay ee si xor ah loo soo doorto
- Koox Soomaaliyeed oo ka qeybgashay Tartanka K/cagta Jaaliyadaha Adduunka ee Austria lagu qabtay
- Madaxweyne Axmed Siilaanyo “Dadka ay abaartu saamaysay waxaa lagu qiyaasay in ay gaadhayaan ilaa 20,000 (labaatan kun) oo qoys”
- Dahabshiil Group oo mashaariic khayriya kana kooban deeq lacageed iyo dhismayaal ka hirgaliyay Magaalada Boorama
- Hay'adda samafalka ee NRC oo Caalamka ugu baaqday inay kordhiyaan gargaarka ay siinayaan Soomaaliya
- Hay'adda Midowga Dhalinyarada Soomaaliyeed oo Odoayaasha dhaqaanka Siminnaar ugu qabtay Magaalada Muqdisho
- Madaxweynaha Soomaaliya oo soo dhaweeyay Murashaxiinta sii badanaya ee ka qaybgalaya doorashada Madaxnimo
- Guddi ku howlan daminta Xiisado Colaadeed oo ka taagan qaybo ka mid ah Gobollada Galgaduud iyo Mudug
- Xildhibaan C/raxmaan C/shakuur oo Muqdisho kaga dhawaaqay inuu yahay Murashax u taagan xilka Madexnimo Soomaaliya
- Falal ay ka mid yihiin Qarax, Afduub iyo dil Qorsheysan oo ka dhacay Deegaanno ka tirsan Gobolka Waqooyi-bari Kenya